विधिमंडळाचे अर्थसंकल्पीय अधिवेशन २६ फेब्रुवारीपासून, अर्थसंकल्प ९ मार्चला - JPN NEWS - www.jpnnews.in

Breaking

Home Top Ad

Post Top Ad

08 February 2018

विधिमंडळाचे अर्थसंकल्पीय अधिवेशन २६ फेब्रुवारीपासून, अर्थसंकल्प ९ मार्चला


मुंबई - महाराष्ट्र विधिमंडळाचे अर्थसंकल्पीय अधिवेशन येत्या 26 फेब्रुवारीपासून सुरू होणार असून ते 28 मार्चपर्यंत चालणार आहे. राज्याचा अर्थसंकल्प 9 मार्च रोजी विधिमंडळाच्या दोन्ही सभागृहात सादर करण्यात येणार आहे, असा निर्णय आज झालेल्या संसदीय कामकाज सल्लागार समितीच्या बैठकीत घेण्यात आला. 

महाराष्ट्र विधिमंडळाच्या दोन्ही सभागृहाच्या संसदीय कामकाज सल्लागार समितीची बैठक विधान भवनात झाली. विधानपरिषदेचे सभापती रामराजे नाईक-निंबाळकर, विधानसभा अध्यक्ष हरिभाऊ बागडे, मुख्यमंत्री देवेंद्र फडणवीस, उपसभापती माणिकराव ठाकरे, विधान परिषदेचे विरोधी पक्षनेते धनंजय मुंडे, विधानसभा विरोधी पक्षनेते राधाकृष्ण विखे-पाटील आदी यावेळी उपस्थित होते. विधिमंडळाचे प्रधान सचिव डॉ. अनंत कळसे यांनी यावेळी कामकाजासंबंधी माहिती दिली.

अर्थसंकल्पीय अधिवेशनात एकूण 22 दिवस कामकाज चालणार आहे. 26 फेब्रुवारी 2018 रोजी राज्यपाल महोदयांचे अभिभाषण सभागृहाच्या पटलावर ठेवण्यात येईल तर राज्याचा अर्थसंकल्प 9 मार्च 2018 रोजी दुपारी 2 वाजता सादर करण्यात येईल. या अधिवेशनात विधानसभेत 1 विधेयक प्रलंबित तर विधानपरिषदेत 4 विधेयके प्रलंबित आहेत. याशिवाय 4 अध्यादेश सभागृहाच्या पटलावर ठेवण्यात येणार आहेत तर त्याचबरोबर 4 प्रस्तावित अध्यादेश आणि 6 प्रस्तावित विधेयकेही मांडण्यात येणार आहेत.

कामकाज सल्लागार समितीच्या बैठकीस शिक्षणमंत्री विनोद तावडे, संसदीय कार्य राज्यमंत्री विजय शिवतारे, विधान परिषद सदस्य सुनील तटकरे, हेमंत टकले, अनिल परब, शरद रणपिसे,विजय ऊर्फ भाई गिरकर, डॉ. नीलम गोऱ्हे, विधानसभा सदस्य गणपतराव देशमुख, अजित पवार,जयंत पाटील, राज पुरोहित आदी उपस्थित होते.

Post Bottom Ad