मुंबई : जन कल्याण समितीतर्फे प्रदान केल्या जाणार्या 'परम पूजनीय श्रीगुरुजी' पुरस्कारासाठी यंदा अच्युत गोडबोले आणि सावित्री बाई फुले महिला एकात्म समाज मंडळ यांची निवड करण्यात आली आहे. बोरिवली येथे २३ फेब्रुवारी रोजी आयोजित करण्यात आलेल्या समारंभात त्यांना हा पुरस्कार प्रदान करण्यात येणार आहे. जनकल्याण समितीचे अध्यक्ष डॉ. रवींद्र साताळकर यांनी सोमवारी या पुरस्काराची घोषणा पत्रकार परिषदेत केली. श्रीगुरुजी पुरस्काराचे यंदा १९ वे वर्ष असून मानपत्र, सन्मानचिन्ह, शाल आणि श्रीफळ तसेच एक लाख रुपये असे या पुरस्काराचे स्वरूप असणार आहे. यंदा वाड्मय आणि सेवा या दोन गटांत पुरस्कार देण्याचे नियोजन होते. वाड्मय गटातील पुरस्कारासाठी अच्युत गोडबोले यांची, तर सेवा या गटातील पुरस्कारासाठी औरंगाबाद येथील सावित्रीबाई फुले महिला एकात्म समाज मंडळाची निवड करण्यात आली आहे.
Subscribe to:
Post Comments (Atom)
Post Bottom Ad
No comments:
Post a Comment