
मुंबई JPN NEWS - मध्य रेल्वेच्या पाचव्या आणि सहाव्या मार्गादरम्यान डोक्याला दुखापत झालेल्या एका अनोळखी व्यक्तीला मदत करण्यासाठी लोकल ट्रेन थांबवण्यात आल्याची घटना घडली. या घटनेमुळे विक्रोळी ते घाटकोपरदरम्यान धावणारी लोकल काही वेळासाठी थांबवण्यात आली.
रेल्वेच्या माहितीनुसार, सकाळी ८.३५ ते ८.४९ या वेळेत विक्रोळी–घाटकोपरदरम्यान अप दिशेच्या ठाणे मार्गावर किलोमीटर २०/५३५ येथे ही लोकल थांबवण्यात आली. पाचव्या आणि सहाव्या रेल्वे मार्गादरम्यान सुमारे ३० वर्षांचा एक अनोळखी पुरुष डोक्याला दुखापत झालेल्या अवस्थेत आढळला.
लोकलच्या ट्रेन मॅनेजरने संबंधित व्यक्तीला मदत केली आणि पुढील कार्यवाहीसाठी घाटकोपरचे उपस्थानक व्यवस्थापक (DYSM) यांच्याकडे सुपूर्द केले. संबंधित व्यक्ती मुख्य लोकलच्या धावत्या मार्गावर नसून पाचव्या आणि सहाव्या मार्गादरम्यान होती, अशी माहिती रेल्वेकडून देण्यात आली. या घटनेमुळे लोकल सेवा किती काळ विस्कळीत झाली किंवा जखमी व्यक्तीच्या प्रकृतीबाबत पुढील माहिती उपलब्ध झालेली नाही.


No comments:
Post a Comment