सी आणि डी प्रभाग समिती अध्यक्षपदासाठी झालेल्या निवडणुकीत भाजपच्या उमेदवार ज्योत्स्ना मेहता यांचा एकमेव अर्ज दाखल झाल्याने त्या बिनविरोध निवडून आल्या. या प्रभागामध्ये एकूण नऊ सदस्य आहेत. एफ/दक्षिण आणि एफ/उत्तर प्रभाग समिती अध्यक्षपदासाठी झालेल्या निवडणुकीत शिवसेनेचे उमेदवार प्रल्हाद ठोंबरे, जी/दक्षिण प्रभाग समिती अध्यक्षपदासाठी शिवसेनेचे उमेदवार आशिष चेंबूरकर, पी/दक्षिण प्रभाग समिती अध्यक्षपदासाठी भाजपच्या उमेदवार राजूल देसाई, पी /उत्तर प्रभाग समिती अध्यक्षपदासाठी भाजपच्या दक्षा पटेल, आर/दक्षिण प्रभाग समिती अध्यक्षपदासाठी भाजपचे कमलेश यादव, आर/उत्तर आणि आर/मध्य प्रभाग समिती अध्यक्षपदासाठी शिवसेनेच्या उमेदवार शीतल म्हात्रे बिनविरोध निवड झाली.
पश्चिम उपनगरांतील पी/दक्षिण आणि पी/उत्तर, आर/दक्षिण आणि आर/उत्तर आणि आर/मध्य प्रभाग समितीच्या अध्यक्षपदासाठी झालेल्या निवडणुकीत महापौर विश्वनाथ महाडेश्वर यांनी पीठासीन अधिकारी म्हणून आणि शहर विभागातील ए, बी आणि ई, सी आणि डी एफ/दक्षिण व एफ/उत्तर' तसेच 'जी/दक्षिण' प्रभाग समितीच्या अध्यक्षपदासाठी उपमहापौर हेमांगी वरळीकर यांनी पीठासीन अधिकारी काम पाहिले.
