मराठा आरक्षणाबाबत निर्णय न झाल्यास त्याची किंमत सरकारला चुकवावी लागेल

गेले २१ वर्षे मराठा आरक्षणाची मागणी होत असून त्यावर सरकारकडून काहीच हालचाल होत नसल्याने मराठा महासंघ , संभाजी ब्रिगेड , माथाडी संघटना आदी १३ संघटनांनी मशीद बंदर तेआझाद मैदान मोर्चा काढला होता . आझाद मैदानात मोर्चाचे रुपांतर सभेत झाले . यावेळी बोलताना कोल्हापूरचे छत्रपती संभाजीराजे यांनी , ' मराठा समाजाने आतापर्यंत तलवारी म्यान करून ठेवल्या असून त्या बाहेर काढल्यास गंभीर परिणाम भोगावे लागतील ', असा इशारा दिला . यापुढचे सर्व आयुष्य मराठ्यांच्या हितासाठी वाहून घेण्याची शपथही संभाजीराजे यांनी यावेळी घेतली . 

रिपब्लिकन पार्टीऑफ इंडियाचे राष्ट्रीय अध्यक्ष रामदास आठवले यांनी मराठा आरक्षणाला रिपाइंचा पाठिंबा असल्याचापुनरुच्चार करत मराठा समाजाला आरक्षण मिळवून देण्यासाठी ताकदीने उभे राहू असे जाहीर केले .येत्या दीड वर्षात काँग्रेस - राष्ट्रवादी सरकारने आरक्षण दिले नाही तर त्याची किंमत निवडणुकीत मोजावीच लागेल व महायुतीचे सरकार आल्यावर हे आरक्षण तत्काळ लागू करण्यात येईल , असेहीते म्हणाले . 

मराठा आरक्षणासंदर्भात चाचपणी करण्यासाठी मुख्यमंत्र्यांनी समितीची स्थापना केली असूनउद्योगमंत्री नारायण राणे यांना समितीचे अध्यक्षपद देण्यात आले आहे . मुख्यमंत्र्यांसोबत मराठाकार्यकर्त्यांच्या शिष्टमंडळाच्या चर्चेचा तपशील देण्यासाठी राणे यांच्यासह गृहमंत्री आर . आर . पाटील, गृहराज्यमंत्री सतेज पाटील , सहकार मंत्री हर्षवर्धन पाटील आझाद मैदानात आले होते . 

राणेंविरुद्ध घोषणाबाजी 
मराठा आरक्षणासंदर्भात संघटनांनी घेतलेल्या आक्रमक भूमिकेवर टीका करताना , ' लोटे घेऊनआलेल्यांनी मुंबईत आपले बंगले बांधले , मग तुमचा हात कोणी धरला होता का ?' असे वक्तव्य नारायण राणेंनी केले . त्यात भर म्हणून संभाजीराजेंनी केलेल्या तलवारी उपसण्याच्या वक्तव्याचा हवाला देत ' पाहुण्यांना तलवारी काढण्याची भाषा करतात का ?' असा उलटा सवालही त्यांनी केला . त्यामुळे संतापलेल्या मराठा कार्यकर्त्यांनी राणेंविरोधत घोषणा देण्यास सुरुवात केली . कार्यकर्त्यांना आवरण्यासाठी अखेर संभाजीराजांना मध्यस्थी करावी लागली . त्यानंतर सारवासारव करत ' अधिवेशन सुरू असल्याने मागण्यांना न्याय देऊ यापलिकडे काहीही बोलतायेत नाही ', असे स्पष्टीकरण देत काढता पाय घेतला . 

आबां परत जा
मराठा आरक्षण अधिवेशनात बोलताना ' हे मराठा आरक्षणाचे अधिवेशन असून जरा सांभाळून बोला. परत जा, परत जा. ', अशा घोषणा कार्यकर्त्यांनी दिल्या.