मुसळधार पावसामुळे मुंबईत ५५१ झाडे उन्मळून पडली

मुंबई : मुसळधार पावसामुळे आतापर्यंत मुंबईत ५५१ झाडे उन्मळून पडली आहेत. शहरात २१२, पूर्व उपनगरात ११२, पश्‍चिम उपनगरात २२६ झाडे पडली आहेत. अद्यापि पावसाचे साडेतीन महिने बाकी असल्याने या कालावधीत आणखी वृक्षवल्लीचा नाश होण्याची शक्यता आहे. मुंबईत ७ जून रोजी पावसाचे आगमन झाले होते. या पहिल्याच दिवशी विविध ठिकाणी ३0 झाडांची पडझड झाली होती. त्यानंतर पावसाने घातलेल्या धुमाकुळामुळे वृक्षांच्या फांद्या आणि मुळासकट उन्मळून पडण्याची संख्या दिवसेंदिवस वाढत गेली. १६ जून रोजी सर्वाधिक १२0 झाडे पडल्याच्या तक्रारी पालिकेस प्राप्त झाल्या होत्या. मात्र काही वेळा काही समाजकंटक वा दुकानदार सोसायटीचे सदस्यही पावसाच्या निमित्ताने झाडे पाडण्यासाठी कारस्थाने करतात. झाडांच्या पडझडीनंतर त्या ठिकाणी वृक्षरोपण होणे गरजेचे असताना त्याबाबत पलिककेकडून पाठपुरावा होत असल्याचे दिसत नाही.