भाजप, काँग्रेस आणि राष्ट्रवादी काँग्रेसच्या जाहिरातींमध्ये त्यांचे अनेक नेते झळकत आहेत. ते स्वत: निवडणुकीत उमेदवार आहेत. त्यामुळे या जाहिरातींवरील खर्च त्यांच्या निवडणूक खर्चात धरला जायला हवा. तसे झाल्यास या सगळ्या उमेदवारांच्या वैयक्तिक खर्चाची मर्यादा ओलांडली जाईल, असा दावा शिवसेनेने आयोगापुढे केला आहे. या निकषावरच फडणवीस, खडसे, तावडे, शेलार, पृथ्वीराज चव्हाण, अजित पवार यांना अपात्र ठरवण्यात यावं, अशी मागणी केल्याचे रावते यांनी सांगितले.
