शिवसेना-भाजपच्या व्यासपीठावर जाऊन पक्षाच्या विरोधात खुलेआम भाष्य करून, पक्षशिस्तीचा भंग केल्याच्या आरोपावरून राष्ट्रवादी काँग्रेसचे तत्कालीन आमदार, शिवसंग्रामचे अध्यक्ष विनायक मेटे यांचे विधान परिषदेतील सदस्यत्व अपात्र ठरविण्याचा निर्णय सभापती शिवाजीराव देशमुख यांनी जाहीर केला. परिणामी, मेटे यांची विधान परिषदेतील आमदारकी रद्दबातल ठरल्यामुळे, आणखी दोन वर्षांच्या सदस्यत्वाला ते मुकले आहेत. त्यांचे सदस्यत्व अपात्र ठरल्यामुळे ती जागा रिक्त झाल्याचे विधिमंडळाचे प्रधान सचिव डॉ. अनंत कळसे यांनी जाहीर केले.
लोकसभा निवडणुकीच्या प्रचाराच्या काळात मेटे यांनी भाजप नेते गोपीनाथ मुंडे व शिवसेनेचे नेते उद्धव ठाकरे यांच्या सभेत जाऊन, राष्ट्रवादीचे अध्यक्ष शरद पवार आणि पक्षाच्या भूमिकेवर टीका केली होती. राष्ट्रवादीच्या कोट्यातून आमदार झालेले मेटे हे पक्षनेतृत्वावर टीका करीत असून, त्यांनी पक्षशिस्तीचा भंग केला आहे. त्यामुळे त्यांचे सदस्यत्व अपात्र ठरविण्यात यावे, अशी मागणी करणारी याचिका राष्ट्रवादी काँग्रेसचे विधान परिषदेतील प्रतोद हेमंत टकले यांनी सभापती शिवाजीराव देशमुख यांच्याकडे केली होती.
लोकसभा निवडणुकीच्या प्रचाराच्या काळात मेटे यांनी भाजप नेते गोपीनाथ मुंडे व शिवसेनेचे नेते उद्धव ठाकरे यांच्या सभेत जाऊन, राष्ट्रवादीचे अध्यक्ष शरद पवार आणि पक्षाच्या भूमिकेवर टीका केली होती. राष्ट्रवादीच्या कोट्यातून आमदार झालेले मेटे हे पक्षनेतृत्वावर टीका करीत असून, त्यांनी पक्षशिस्तीचा भंग केला आहे. त्यामुळे त्यांचे सदस्यत्व अपात्र ठरविण्यात यावे, अशी मागणी करणारी याचिका राष्ट्रवादी काँग्रेसचे विधान परिषदेतील प्रतोद हेमंत टकले यांनी सभापती शिवाजीराव देशमुख यांच्याकडे केली होती.
