मुंबई - शिवसेनेच्या शिववडा-पावाला महापालिकेची परवानगी मिळूनही त्याची विक्री सुरू झालेली नाही. त्यातच आता समाजवादी पक्षाने "फूड ट्रक‘चा पर्याय समोर आणला आहे. पक्षाने हा प्रस्ताव महापालिकेला दिला आहे. या फूड ट्रकमध्ये फक्त वडापाव, मिसळपाव, कांदापोहे अशा मराठी खाद्यपदार्थांसह देशभरातीलच नव्हे, तर जगभरातील खाद्यपदार्थ कष्टकऱ्यांना माफक दरात मिळणार आहेत. याबाबतचा प्रस्ताव शुक्रवारी समाजवादी पक्षाने महापालिका आयुक्तांना दिला आहे.
शिवसेनेने पाच वर्षांपूर्वी शिववडा-पावाचा प्रस्ताव महापालिकेत मंजूर करून घेतला आहे. त्यासाठी प्रभाग कार्यालयांतून अर्जही मागवण्यात आले. त्यापाठोपाठ कॉंग्रेसनेही महाराष्ट्र कांदेपोहे स्टॉल्सना मंजुरी मिळवली; पण या योजना आजवर प्रत्यक्षात आल्या नाहीत. उलट शिवसेनेने सुरू केलेले शिववडा-पावचे स्टॉल बेकायदा ठरवून पालिकेने ते हटवले.
समाजवादी पक्षाच्या युवक संघटनेचे मुंबई अध्यक्ष फरहान आझमी यांनी शुक्रवारी पालिकेतील गटनेते रईस शेख यांच्यासोबत आयुक्त अजोय मेहता यांना हा प्रस्ताव सादर केला. आयुक्त या प्रस्तावावर लवकरच निर्णय घेतील, अशी अपेक्षा आझमी यांनी व्यक्त केली. ट्रक आणि मोटरसायकलींवरही हे खाद्यपदार्थ विकण्याची ही योजना आहे.
‘फूड ट्रक‘मध्ये वडापाव, मिसळ किंवा उसळ पाव, कांदेपोहे असे पदार्थ तर असतीलच, पण त्याचबरोबर राजस्थान आणि उत्तर प्रदेशातील प्रसिद्ध खाद्यपदार्थही असतील. परदेशांतील पदार्थही माफक दरात विकले जातील, असे आझमी यांनी सांगितले. 15 ते 30 रुपयांत परदेशातील खाद्यपदार्थ मिळतील, अशी माहिती त्यांनी दिली.
फूड ट्रक योजनेत काय असणार
* संपूर्ण मुंबईभर तब्बल १००० फूड ट्रक असणार
* भौरी चौखा हा नॉर्थ इंडियाचा प्रसिद्ध खाद्य पदार्थ असणार प्रमुख आकर्षण
* ५०% खाद्यपदार्थ असणार १५ ते ३० रूपायांमध्ये
* शिववड्या सारख्या योजनांमधून बीएमसीला उत्पन्न मिळत नाही मात्र आमच्या योजनेतून बीएमसीला ३ विविध उत्पन्न मिळणार असल्याचे सपातर्फे सांगण्यात आले आहे.
* या योजनेअंतर्गत १५ ते ३०० रूपयांचे खाद्यपदार्थ मिळणार
* हायजेनिक पौष्टिकतेला देणार महत्व
* सुरक्षेच्या दृष्टीने गॅस, केरोसिनचा वापर न करता इलेक्ट्रिक बेस्ड कुकिंग असणार
* फ़ूड ट्रक्ससाठी कर्जाची सुविधा * प्रभाग निहाय निविदा काढून रोजगार निर्मिति
* या योजनेअंतर्गत २-३-४ व्हीलर ट्रक्स असणार
* भौरी चौखा हा नॉर्थ इंडियाचा प्रसिद्ध खाद्य पदार्थ असणार प्रमुख आकर्षण
* ५०% खाद्यपदार्थ असणार १५ ते ३० रूपायांमध्ये
* शिववड्या सारख्या योजनांमधून बीएमसीला उत्पन्न मिळत नाही मात्र आमच्या योजनेतून बीएमसीला ३ विविध उत्पन्न मिळणार असल्याचे सपातर्फे सांगण्यात आले आहे.
* या योजनेअंतर्गत १५ ते ३०० रूपयांचे खाद्यपदार्थ मिळणार
* हायजेनिक पौष्टिकतेला देणार महत्व
* सुरक्षेच्या दृष्टीने गॅस, केरोसिनचा वापर न करता इलेक्ट्रिक बेस्ड कुकिंग असणार
* फ़ूड ट्रक्ससाठी कर्जाची सुविधा * प्रभाग निहाय निविदा काढून रोजगार निर्मिति
* या योजनेअंतर्गत २-३-४ व्हीलर ट्रक्स असणार
No comments:
Post a Comment