उपहारगृहांच्या तपासणी दरम्यान १०३६ अनधिकृत सिलेंडर्स जप्त

मुंबई / प्रतिनिधी - महापालिकेद्वारे उपहारगृहांची करण्यात येत असलेल्या तपासणी दरम्यान अनधिकृत सिलेंडर्सचा साठा देखील जप्त करण्यात येत आहे. दि. १९ ते २७ ऑक्टोबर दरम्यान करण्यात आलेल्या तपासणीमध्ये आजपर्यंत १०३६ अनधिकृत सिलेंडर्स महापालिकेच्या विशेष चमूद्वारे जप्त करण्यात आले आहेत.

दि. १६ ऑक्टोबर २०१५ रोजी कुर्ला परिसरातील एका उपहारगृहात झालेल्या दुर्दैवी घटनेनंतर महापालिका क्षेत्रातील सर्व उपहारगृहांची तपासणी महापालिकेद्वारे करण्यात येत आहे. या तपासणीसाठी व योग्य त्या कारवाईसाठी महापालिकेच्या सर्व २४ विभागात प्रत्येक विभागस्तरावर एका विशेष चमूचे गठन करण्यात आले होते. सदर चमूद्वारे सर्व विभागांमध्ये उपहारगृहांच्या तपासण्या करण्यात येत आहेत.

महापालिका क्षेत्रातील अनेक उपहारगृहांमध्ये त्यांच्या मर्यादेपेक्षा अधिक सिलेंडर्स अनधिकृतरित्या ठेवण्यात आल्याचे आढळून आले आहे. हे सर्व अनधिकृत सिलेंडर्स महापालिकेद्वारे जप्त करण्यात आले आहेत. याबाबत उपलब्ध झालेल्या आकडेवारीनुसार सर्वाधिक म्हणजे ११४ अनधिकृत सिलेंडर्स आर / दक्षिण विभागाच्या चमूद्वारे जप्त करण्यात आले आहेत. 

विभागनिहाय आकडेवारी

अनु. क्र.	परिमंडळ	विभाग	कारवाई सुरु केल्यापासून जप्त केलेल्या सिलेंडर्स ची एकूण संख्या
1	एक	ए	31
2	एक	बी	39
3	एक	सी	09
4	एक	डी	15
5	एक	इ	63
6	दोन	एफ / दक्षिण	45
7	दोन	एफ / उत्तर	22
8	दोन	जी / दक्षिण	63
9	दोन	जी / उत्तर	45
10	तीन	एच / पूर्व	51
11	तीन	एच / पश्चिम	19
12	तीन	के / पूर्व	31
13	चार	के / पश्चिम	51
14	चार	पी / दक्षिण	24
15	चार	पी / उत्तर	73
16	पाच	एल	93
17	पाच	एम / पूर्व	22
18	पाच	एम / पश्चिम	29
19	सहा	एन	23
20	सहा	एस	10
21	सहा	टी	15
22	सात	आर / दक्षिण	114
23	सात	आर / मध्य	68
24	सात	आर / उत्तर	81
		एकूण	1036