बाळासाहेबांच्या स्मारकासाठी जागेची घोषणा ?

मुंबई - दिवंगत बाळासाहेब ठाकरे यांच्या बहुचर्चित स्मारकाच्या जागेचा प्रश्न निकालात निघाल्याची जोरदार चर्चा आहे. दिवंगत बाळासाहेब ठाकरे यांचा आज १७ नोव्हेंबर रोजी तृतीय स्मृतीदिन आहे. या दिवशी मुख्यमंत्री देवेंद्र फडणवीस हे बाळासाहेबांना शिवाजी पार्क येथे अभिवादन करुन त्यांच्या स्मारकासाठीच्या जागेची घोषणा करण्याची शक्यता 
वर्तवण्यात येत आहे.स्मारकच्या जागेसाठी सरकारकडून एक समिती स्थापन्यात आली होती. या समितीने वडाळा,परळ आणि शिवाजी पार्कवरील महापौर बंगल्याजवळची जागा निश्चीत केली होती. त्यापैकी शिवसेना पक्षप्रमुख उद्धव ठाकरे यांनी महापौर बंगल्याशेजारील जागेला पसंती दिल्याचे कळते. त्यानुसार याच जागेची स्मारकासाठी निवड होण्याची शक्यता आहे. त्यामुळे शिवसैनिकांमध्ये उत्साहाचे वातावरण आहे. तर आज बाळासाहेबांच्या तृतीय स्मृतीदिनानिमित्त राज्यभरातून शिवसैनिक मुंबईत दाखल झाले आहेत.