वर्षभरात १०२० मानवी तस्करांवर कारवाई

मुंबई / JPN NEWS.in - महिला व मुले तस्करी प्रकरणी मुंबई पोलिसांनी पाच वर्षाच्या

तुलनेत गेल्या वर्षी सर्वाधिक कारवाई केली आहे. गेल्या वर्षभरात १०२० जणांवर कारवाई
करण्‍यात आली असून बालकामगार ४४० तर महिला आणि बिगारी असे ४५७ जणांची सुटका

 करण्‍यात आली. 


जानेवारी २०१५ ते डिसेंबर २०१५ पर्यंत ही कारवाई करण्‍यात आली. 



पोलिसांनी प्रत्येक पोलीस ठाण्‍यामध्ये बालसहाय्य केंद्र सुरू करून विविध स्वयंसेवी 
संस्थाच्या मदतीने मानवी तस्करी रोखण्याचा प्रयत्न केला आहे. यासाठी त्यांनी विशेष 
मोहिमही राबवली आहे. पोलिसांनी वेगवेगळ्या भागात छापा टाकून ५५७ गुन्हे दाखल करत
६८२ आरोपींना अटक केली आहे. दरम्‍यान, १०२० बालकामगारांची सुटकाही करण्‍यात आली.
यात दुकानदार आणि व्‍यवसायिकांवर देखील कारवाई करण्‍यात आली. शिवाय, २४७ व्‍यवसायिकांना अटक करून ३९० बालकामगारांची सुटका केली, अशी माहिती डीसीपी धनंजय कुलकर्णी यांनी दिली आहे.