वृक्ष लागवडीचे प्रभावी नियोजन करा - पंकजा मुंडे यांचे आवाहन

मुंबई, दि. १४ : राज्यात १ ते ७ जुलै २०१६ या कालावधीत वनमहोत्सव साजरा करण्यात येणार असून यादरम्यान १ जुलै २०१६ रोजी किमान २ कोटी वृक्ष लागवड करण्याचे नियोजन करण्यात आले आहे. या मोहिमेचे प्रभावी नियोजन करण्याच्या दृष्टीने योगदिनाचे औचित्य साधून येत्या २१ जून २०१६ रोजी राज्यातील सर्व गावांमध्ये ग्रामसभांचे आयोजन करण्यात येणार आहे. या ग्रामसभांमध्ये योग दिनाचा प्रचार आणि प्रसार करण्याबरोबरच वृक्षलागवडीचे प्रभावी नियोजन करण्यात यावे, असे आवाहन ग्रामविकास मंत्री पंकजा मुंडे यांनी राज्यातील सर्व सरपंचांना पत्राद्वारे केले आहे