परंतु या परिसरातील रहिवाशांनी याला तीव्र विरोध केला असून स्थानिक नागसेविका समिता नाईक यांच्या नेतृत्वाखाली येथे जनतेचे मतदान घेऊन कौल घेण्यात आला. या मध्ये मैदानाच्या बाजूने ११८९ मते मिळाली तर भूमिगत पार्किंगसह मैदानासाठी ५९ मते मिळाली. यामध्ये या मैदानावर सांस्कृतिक भवन बांधण्यासाठी एकही मत मिळाली नाही.
या बाबत समिता नाईक यांनी सांगितले की, आमचा सांस्कृतिक भवनाला विरोध नाही मात्र ते या मैदानावर न बांधता अनंत गणपत पवार लेन येथील पालिकेच्या बॉटलीबॉय कंपाऊंड नावाने जे मोठे मैदान आहे त्या मैदानाची दुर्व्यस्था ही संपुष्ठात येऊन 'न्यू हिंद मिल म्हाडा संकुलचे मैदानही या परिसरातील नागरिकांना मोकळे ठेवता येईल. त्याचबरोबर या मैदानावर होणारे सामाजिक संस्थेचे कार्यक्रम,स्नेह संमेलन, धार्मिक कार्यक्रम इत्यादी करणे शक्य होईल. याचा विचार करून आणि स्थानिक जनतेचा जनमताचा कौल लक्षात घेऊन न्यू हिंद मिल मैदाना ऐवजी पालिकेने बॉटलीबॉय मैदानात विकासकामे करून जनतेला न्याय द्यावा असे समिता नाईक यांनी सांगितले.
