महेता पुढे म्हणाले की, झोपडपट्टी पुनर्वसन योजनेमध्ये समाविष्ट 4 पुनर्वसन इमारतींचे बांधकाम पूर्ण करण्यात आले असून, इमारत क्र.2ला 2008 मध्ये, इमारत क्र.1 व 3 ला 2009 मध्ये, तर इमारत क्र. 4 ला 2017 मध्ये भोगवटा प्रमाणपत्र देण्यात आले आहे. या इमारतींना भोगवटा प्रमाणपत्र देण्यापूर्वी मल:निस्सारण खाते, जल खाते, रस्ते विभाग, विद्युत विभाग (रिलायन्स), मालमत्ता कर विभाग व उदवाहनासाठी बांधकाम विभागाचे नाहरकत प्रमाणपत्र घेण्यात आले आहे. तसेच या इमारतींना सर्व मुलभूत सुविधा देण्यात आल्या आहेत. तसेच मागाठाणे येथील झोपडपट्टी पुनर्वसन प्रकल्पाच्या काही तक्रारी प्राप्त झाल्या आहेत. त्यासंदर्भात गृहनिर्माण विभागाचे अपर मुख्य सचिव यांच्यामार्फत चौकशी करण्यात येईल, असेही त्यांनी सांगितले.
