मागील साडेचार वर्षापासून पालिका आयुक्त यांचे स्वीय सहाय्यक म्हणून रमेश पवार काम पाहात होते. त्यांच्या जागेवर मालमत्ता कर विभागाचे उपायुक्त चंद्रशेखर चौरे तर पवार यांची मालमत्ता कर विभागात बदली झाली आहे. पवार यांनी यापूर्वी विभाग कार्यालयात काम केले आहे. पालिकेचा आर्थिक स्त्रोत असलेला जकात कर बंद झाल्यानंतर उत्पन्न मिळवून देणारा मालमत्ता कर पालिकेचा आर्थिकस्त्रोत बनला आहे. सद्या पालिकेची आर्थिक स्थिती ढासळली असल्याने मालमत्ता कर वसुलीसाठी पालिकेने कंबर कसली आहे. पालिकेच्या भाडेतत्वावर देण्यात आलेल्या २६० भूखंडांची मुदत पाच वर्षापूर्वी संपली आहे. नवीन धोरणानुसार या मालमत्तांचा ताबा घ्यावा लागणार आहे. त्यामुळे या विभागातील कामांचे आव्हान पवार यांच्या समोर असणार आहे.
