Mumbai News - देवाच्या नावावर मुंबई महापालिकेच्या तिजोरीवर डल्ला - राखी जाधव - JPN NEWS

Breaking

Home Top Ad

Post Top Ad

JPN NEWS | Advertise With Us
आपल्या व्यवसायाची, ब्रँडची किंवा संस्थेची जाहिरात महाराष्ट्रातील डिजिटल वाचकांपर्यंत पोहोचवा. डिजिटल जाहिराती आणि व्यावसायिक सहकार्यासाठी संपर्क साधा.
Website Banner Ads Sponsored Content Business Promotions Digital Campaigns
JPN NEWS | Fast • Trusted • People's Voice
Live Updates

Breaking & Latest News Feed

Subscribe to JPN NEWS RSS feed for instant Mumbai & Maharashtra news alerts.

Subscribe Latest News

14 March 2024

Mumbai News - देवाच्या नावावर मुंबई महापालिकेच्या तिजोरीवर डल्ला - राखी जाधव


मुंबई - उज्जैनमधील मंदिराच्या धर्तीवर मुंबईतील सिद्धिविनायक मंदिराचा विकास करणार असल्याचा निर्णय शासनाने घेतला आहे. या निर्णयाचे स्वागत राष्ट्रवादी काँग्रेस पार्टी - शरदचंद्र पवार पक्षाच्या मुंबई अध्यक्षा राखी जाधव यांनी केले आहे. मात्र या कामाच्या आड कोणी मुंबई महानगरपालिकेच्या तिजोरीवर डल्ला तर मारत नाही असा सवाल त्यांनी उपस्थित केला आहे.

याबाबत राखी जाधव यांनी आपल्या एक्स हँडलवरून भूमिका स्पष्ट केली आहे. त्या म्हणाल्या की, सिद्धिविनायक मंदिराचा विकास केला जात आहे. ही अत्यंत आनंदाची बाब आहे. श्री सिद्धिविनायक मंदिर संपूर्ण मुंबईचे प्रार्थना स्थान आहे. श्रींचे दर्शन घेण्यासाठी जगभरातून लोक येतात. त्यामुळे श्रींच्या मंदिराचा कायापालट झालाच पाहिजे पण विकासकामाच्या आड कोणी मुंबई महानगरपालिकेच्या तिजोरीवर डल्ला तर मारत नाही ना? अशी शंका त्यांनी उपस्थित केली.

पुढे त्या म्हणाल्या की, श्रींच्या मंदिराच्या विकासासाठी मुंबई महानगरपालिकेच्या तिजोरीतून ५०० कोटींची तरतूद करण्यात येणार आहे. श्री सिद्धिविनायक मंदिर हे एक न्यास आहे आणि त्याचे दैनंदिन उत्पन्न ३० लाख आहे. त्यामुळे विकासाचा खर्च त्यांच्याकडून केला जाऊ शकतो. अगदी त्यात कमतरता भासली तर राज्य सरकारला अधिकचा निधी सरकारला देता येईल मात्र या दोन पर्यांयाचा विचार न करता सरळसरळ हा आर्थिक भार मुंबई महानगरपालिकेच्या तिजोरीवर टाकण्यात येणार आहे. CSR फंडचा तिसरा पर्याय देखील होता, मात्र त्याकडेही कानाडोळा केला जात आहे. मुख्यमंत्री आणि महाराष्ट्र शासनाकडे इतके पर्याय असताना मुंबई महानगरपालिकेवरच हा आर्थिक भार का टाकला जात आहे? कुणाच्या 'कल्याणा' साठी हा निर्णय घेतला जात आहे ? असा सवाल त्यांनी केला आहे.

मुंबई महानगरपालिकेवर प्रशासक कारभार नेमून आता बराच कालावधी लोटला आहे,. या कार्यकाळात अनेकदा राज्य सरकारने आडमार्गाने महापालिकेवर डल्ला मारला आहे. आता तर चक्क देवाच्या नावावर चोरी केली जाणार का ? असा प्रश्न आम्हाला पडत आहे असं त्या म्हणाल्या.

No comments:

Post a Comment

Live Updates

Breaking & Latest News Feed

Subscribe to JPN NEWS RSS feed for instant Mumbai & Maharashtra news alerts.

Subscribe Latest News
📢 तुमच्या परिसरातील बातमी पाठवा!

तुमच्या भागातील समस्या, घटना किंवा महत्त्वाच्या बातम्यांचे फोटो आणि व्हिडिओ थेट JPN NEWS ला पाठवा.

WhatsApp वर बातमी पाठवा (+91 9969191363)

Ad Space

JPN NEWS JPN NEWS

Post Bottom Ad

JPN NEWS