मुंबई - मुंबईत गणेशोत्सव मोठ्या उत्साहात साजरा केला जात आहे. अशातच मुंबईच्या लालबागचा राजा येथून धक्कादायक घटना घडली. दोन लहान मुलांना एका वाहनाने चिरडल्याने एका दोन वर्षांच्या मुलीचा मृत्यू झाला. तिच्या ११ वर्षांच्या भावाला गंभीर दुखापत झाली आहे.
शुक्रवारी सकाळी लालबागच्या राजा येथील मुख्य प्रवेशद्वारासमोर हा अपघात झाला. एका अज्ञात वाहनाने दोन मुलांना धडक दिली. दोघेही गंभीररित्या चिरडले गेले. या अपघातात एका दोन वर्षांच्या मुलीचा मृत्यू झाला. तिच्या ११ वर्षांच्या भावाला गंभीर दुखापत झाली आहे आणि त्याला परळ येथील केईएम रुग्णालयात दाखल करण्यात आले आहे.
अपघातानंतर चालक फरार
हृदयद्रावक गोष्ट अशी होती की अपघातानंतर चालक घटनास्थळावरून पळून गेला. चिमुकल्यांना मदत न करता रस्त्यावर सोडून तो पळून गेला. पोलिसांनी गुन्हा दाखल करून आरोपींचा शोध सुरू केला आहे. हा अपघात निष्काळजीपणामुळे झाला आहे की इतर काही कारणांमुळे झाला आहे याचाही तपास सुरू आहे.
No comments:
Post a Comment