महाराष्ट्राला ७७८ कोटींचा दुष्काळनिधी

राज्यातील २५ जिल्ह्यांतील १२५ दुष्काळग्रस्त तालुक्यांसाठी केंद्र सरकारने ७७८ . ०९ कोटींची खास मदत गुरुवारी जाहीर केली . दुष्काळाग्रस्त राज्यांना आर्थिक मदत देण्यासाठी केंद्रीय कृषीमंत्री शरदपवार यांच्या अध्यक्षतेखाली नेमलेल्या केंद्रीय उच्चाधिकार समितीने दुष्काळनिधी देऊन महाराष्ट्राला दिलासा दिला आहे . 

महाराष्ट्रातील भीषण दुष्काळी स्थितीकडे केंद्राचे लक्ष वेधण्यासाठी , काही महिन्यांपूर्वी मुख्यमंत्री पृथ्वीराज चव्हाण यांच्या सर्वपक्षीय शिष्टमंडळाने ऑगस्टमध्ये या समितीची तसेच , पंतप्रधानांचीही भेट घेऊन दुष्काळ निवारणासाठी खास पॅकेजची मागणी केली होती . उच्चाधिकार समितीच्यागुरुवारच्या बैठकीत महाराष्ट्राला दुष्काळ निवारणासाठी ७७८ . ०९ कोटींची तर , कर्नाटकाला ५२६कोटींच्या आर्थिक मदतीचे पॅकेज देण्याचा निर्णय घेण्यात आला . 

गेली दोन वर्षे राज्यातील २५ जिल्ह्यांतील १२२ तालुक्यांमधे दुष्काळी स्थिती आहे . पश्चिम व उत्तर महाराष्ट्रातील काही जिल्ह्यांसह , मराठवाड्यात पिण्याच्या पाण्याचेही दुर्भिक्ष्य आहे . राज्य सरकारने १२५ तालुक्यांत दुष्काळी स्थिती जाहीर केली आहे . त्यानंतर केंद्र सरकारचे संयुक्त सचिव आर .बी . सिन्हा यांच्या पथकाने राज्याच्या दुष्काळग्रस्त भागाची पाहणी केली होती . त्यांच्या आढावानंतर आता दुष्काळ निधी देण्यात आला आहे . 

निधी कशाकशाला ? ( कोटी रु .) 
0 शेतीः ५६३ . २९ 
0 बागायती शेतीः ९१ . २९ 
0 पशु संवर्धनः ७२ . ८८ 
0 पाणीपुरवठाः ५० . ६३