चैत्यभूमी स्मारक टपाल तिकिटाचे १४ एप्रिल रोजी प्रकाशन

मुंबई - डॉ. बाबासाहेब आंबेडकर यांची १४ एप्रिल रोजी १२२ वी जयंती आहे. या निमित्ताने चैत्यभूमीस्मारक टपाल तिकिटाचे प्रकाशन राज्यपाल के. शंकरनारायणन यांच्या हस्ते  करण्यात येणार असल्याची माहिती मुंबई शहराचे पालकमंत्री तथा ग्रामविकास मंत्री जयंत पाटील यांनी दिली. 

पाटील यांनी डॉ. आंबेडकर जयंती निमित्ताने चैत्यभूमी परिसरात करावयाच्या कामकाजाचा आज आढावा घेतला, त्यावेळी ते बोलतहोते. बैठकीस पाणी पुरवठा मंत्री प्रा. लक्ष्मण ढोबळे, शहर जिल्हाधिकारी चंद्रशेखर ओक, बृहन्मुंबई वाहतूकशाखेचे सह पोलीस आयुक्त विवेक फणसाळकर, बृहन्मुंबई महानगरपालिकेचे अपर आयुक्त मोहन अडताणी,डॉ. बाबासाहेब आंबेडकर (स्मारक) चैत्यभूमी समन्वय समितीचे पदाधिकारी यांच्यासह शासनाच्या विविधविभागांचे, बेस्ट, पोलीस, टपाल आणि रेल्वे कार्यालयाचे संबंधित अधिकारी उपस्थित होते.  

डॉ. बाबासाहेबआंबेडकर यांच्या  जयंतीच्या निमित्ताने चैत्यभूमीवर दर्शनासाठी येणा-या लाखो भाविकांना आवश्यक असणा-या विविध प्रकारच्या सेवा सुविधा देण्याचे काम सर्व संबंधित यंत्रणांनी समन्वयाने उत्तमपणे पार पाडावे,अशा सूचना देऊन पाटील म्हणाले,   जयंती ही सुट्टीच्या दिवशी रविवारी येत असल्याने या दिवशी मध्यतसेच पश्चिम रेल्वेने मेगा ब्लॉक ठेऊ नये. तसेच या निमित्ताने होणा-या गर्दीवर नियंत्रण ठेवण्यासाठी शहरवाहतूक पोलीस विभागाने  सुरक्षिततेच्या तसेच वाहतुकीच्या आवश्यक त्या उपाययोजना कराव्यात. बैठकीतबेस्ट बसेसद्वारे  तसेच महानगरपालिकेकडून देण्यात येणा-या सुविधा, वाहतूक व्यवस्था, कूपरेज येथील डॉ.बाबासाहेब आंबेडकरांच्या पूर्णाकृती पुतळ्यावरील छत्र इ. विषयांवर चर्चा करण्यात आली.