हिंदमाता परिसर जलमय होण्याची परंपरा खंडित करण्याकरिता ब्रिमस्टोवॅड प्रकल्पात सुचवलेला पर्जन्य जल उदंचन केंद्र उभारणीच्या प्रस्तावाचा हिंदमाता परिसरातील काँग्रेसचे आमदार कालिदास कोळंबकर यांनी महापालिका व राज्य शासन स्तरावर पाठपुरावा केला . त्याला अखेर यश लाभलेअसून आता स्थायी समिती याबाबतच्या १०० कोटी रुपयांच्या कामाची निविदा निश्चित करणार आहे. वर्षभरात हे काम पूर्ण होण्याची अपेक्षा असून २०१४च्या पावसाळ्यात हिंदमाता जलमय होणेकायमचे बंद व्हावे , यासाठी प्रयत्न सुरू आहेत .
हिंदमाता परिसरात साठणारे पाणी परळपासून डॉ . बाबासाहेब आंबेडकर रोड , नाथ पै मार्गे ड्रेन बॉक्स वाहिनीव्दारे शिवडीतील ब्रिटानिया आऊटफॉल येथे समुद्रास मिळते . याची लांबी ६ किमी आहे .हिंदमाता परिसर सखल असल्याने या भागात सध्या पाणी साचते . ताशी २५ मिमीपेक्षा अधिक पाऊस झाल्यास हिंदमाता , अभ्युदय नगर , काळाचौकी , नाथ पै मार्ग परिसर जलमय होतो . यामुळे ब्रिटानिया येथे जल उदंचन केंद्र उभारण्यासाठी मागवलेल्या निविदांची सल्लागार एम . डब्ल्यू . एच . ( इंडिया ) प्रा . लि . कंपनीने केली आहे . या उदंचन केंद्राची क्षमता ३६ घनमीटर प्रति सेकंद असून६ घनमीटर प्रति सेकंद इतकी क्षमता असलेल्या ६ पपांची उभारणी केली जाणार आहे . यामुळे प्रतिसेकंद ३६ हजार लीटर या क्षमतेने पावसाळी पुराचे पाणी समुद्रात फेकले जाणार आहे .
No comments:
Post a Comment