नवी दिल्ली : महिला आणि लहान मुलांविषयीच्या तक्रारी मांडण्यासाठी लवकरच एक स्वतंत्र फेसबुक पेज तयार केले जाणार असल्याची घोषणा महिला आणि बालकल्याण मंत्री मनेका गांधी यांनी आज (बुधवार) केली. महिला आणि लहान मुलांवरील अत्याचार, गुन्हे आणि छळासंबंधांतील माहिती देण्यासाठी असे पेज तयार केले जाईल, असे त्या म्हणाल्या. या पेजवर तक्रारी मांडणाऱ्यांशी या मंत्रालयातील अधिकारी थेट संवाद साधतील, असेही त्यांनी स्पष्ट केले. याशिवाय, महिलांसाठी एक ई-मेलवर आधारित हेल्पलाईनही सुरू केली जाणार आहे. मनेका गांधी यांनी आज मंत्रालयाचा पदभार स्वीकारला. त्यानंतर तातडीने त्यांनी मंत्रालयातील वरिष्ठ अधिकाऱ्यांची बैठक घेतली.
Post Bottom Ad
