मुंबई- मुंबईच्या महापौरपदी शिवसेनेच्या नगरसेविका स्नेहल आंबेकर यांनी बाजी मारली आहे. आंबेकर यांनी काँग्रेस-राष्ट्रवादीच्या उमेदवार प्रियतमा सावंत यांचा 57 मतांनी पराभव करीत महापौरपद पटकावले. लोअर परेलमधून 2012 साली प्रथमच नगरसेविका झालेल्या आंबेकर यांना थेट महापौरपदाची संधी मिळाली आहे.
अनुसूचित जातीसाठी आरक्षण असलेल्या लोअर परळ येथील वॉर्ड क्र. १९४मधून आंबेकर या निवडून आल्या असून, नगरसेविका म्हणून त्यांची पहिली टर्म आहे. बी. कॉमपर्यंत शिक्षण झालेल्या आंबेकर यांनी एलआयसीमध्ये सीनिअर सेल्स एक्झिक्युटिव्ह पदावर काम केले आहे. त्यांचे पती शिवसेनेचे उपशाखाप्रमुख आहेत.
मुंबईत महिलांसाठी पुरेशी प्रसाधनगृहे नसल्याने महिलांना गैरसोय सहन करावी लागते. त्यामुळे महापौरपदाच्या कारकिर्दीत 'राइट टू पी'ला आपण प्राधान्य देणार आहोत. महिला सुरक्षा, आरोग्य सेविकांच्या प्रश्नांना प्राधान्य देणार असून, व्हर्च्युअल क्लासरूमची संख्या वाढवण्यावर भर देणार असल्याचा मनोदय आंबेकर यांनी व्यक्त केला.
शिवसेनेचे पक्षप्रमुख उद्धव ठाकरे यांनी महापालिका सभागृहात जाऊन आंबेकर यांचे अभिनंदन केले. दरम्यान, पालिका सभागृहात उद्धव ठाकरे उपस्थित राहिल्याने काँग्रेस-राष्ट्रवादीने उपमहापौर निवडणुकीवर बहिष्कार टाकला. उद्धव पालिकेत लोकप्रतिनिधी नसताना निवडणुकीच्या दरम्यान सभागृहात उपस्थित राहून दबाव टाकल्याचा आरोप काँग्रेस-राष्ट्रवादीने केला.
मुंबईच्या चौथ्या महिला महापौर म्हणून आंबेकर विराजमान झाल्या आहेत. स्नेहल आंबेकर यांना 121 मते मिळाली तर, काँग्रेसच्या उमेदवार सावंत यांना 64 मते मिळाली. त्यामुळे आंबेकर 57 मतांनी विजयी झाल्याचे घोषित करण्यात आले. आंबेकर यांची निवड होताचा मावळते महापौर सुनील प्रभू यांनी त्यांचे स्वागत केले. मुंबई महापालिकेत महापौरपदासाठी अनुसूचित जाती (एससी) या प्रवर्गासाठी आरक्षण पडले होते.
दरम्यान, भाजपच्या नगरसेविका अलका केरकर यांची उपमहापौरपदी निवड झाली आहे. राष्ट्रवादीचे पवईचे नगरसेवक चंदन शर्मा यांनी उपमहापौरपदासाठी अर्ज दाखल केला होता. मात्र, निवडणुकीवर बहिष्कार घातल्याने केरकर यांची निवड जाहीर केली.
अनुसूचित जातीसाठी आरक्षण असलेल्या लोअर परळ येथील वॉर्ड क्र. १९४मधून आंबेकर या निवडून आल्या असून, नगरसेविका म्हणून त्यांची पहिली टर्म आहे. बी. कॉमपर्यंत शिक्षण झालेल्या आंबेकर यांनी एलआयसीमध्ये सीनिअर सेल्स एक्झिक्युटिव्ह पदावर काम केले आहे. त्यांचे पती शिवसेनेचे उपशाखाप्रमुख आहेत.
मुंबईत महिलांसाठी पुरेशी प्रसाधनगृहे नसल्याने महिलांना गैरसोय सहन करावी लागते. त्यामुळे महापौरपदाच्या कारकिर्दीत 'राइट टू पी'ला आपण प्राधान्य देणार आहोत. महिला सुरक्षा, आरोग्य सेविकांच्या प्रश्नांना प्राधान्य देणार असून, व्हर्च्युअल क्लासरूमची संख्या वाढवण्यावर भर देणार असल्याचा मनोदय आंबेकर यांनी व्यक्त केला.
