करमाड (जि. औरंगाबाद) :‘पंतप्रधान नरेंद्र मोदींनी खोटे बोलून लोकसभा ताब्यात घेतली. ते महाराष्ट्रावर सूड उगवत असून, राज्यापासून मुंबई तोडण्याची भाषा करीत आहेत,‘ अशी टीका कॉंग्रेस नेते नारायण राणे यांनी आज (रविवार) केली. करमाड येथे फुलंब्री मतदारसंघाचे उमेदवार डॉ. कल्याण काळे व पैठणचे उमेदवार रवींद्र काळे यांच्या प्रचारार्थ आयोजित सभेत ते बोलत होते. राणे म्हणाले, की पंतप्रधान मोदींची लोकप्रियता आता कमी झाली आहे. पाकिस्तानने तीन महिन्यांत पन्नास गोळीबार केला, तरी केंद्र सरकार काहीही करू शकत नाही. राज्यात मराठी अस्मितेला धक्का पोचविणाऱ्या गद्दारांना धडा शिकवा.
Post Top Ad
Post Bottom Ad
