मुंबई - जोगेश्वरी मतदारसंघातील शिवसेनेचे उमेदवार रवींद्र वायकर यांनी आचारसंहितेचा भंग केल्याचे उघड झाले आहे. याप्रकरणी जोगेश्वरी पोलिस ठाण्यात तक्रार दाखल करण्यात आली. पूर्वेकडील सेटलाइट सोसायटीच्या नवरात्रोत्सवात वायकर यांचा प्रचार सुरू असल्याचे एका महिलेने निवडणूक निर्णय अधिकाऱ्यांना फोन करून सांगितले. त्यानंतर एक पथक तिथे गेले तेव्हा ध्वनिक्षेपकावरून "धनुष्यबाणासमोरील बटण दाबून साहेबांना विजयी करा‘ असे आवाहन केले जात असल्याचे दिसले. हे चित्रीकरण केलेली सीडी पोलिस ठाण्यात सादर करण्यात आली. पोलिसांनी वायकर यांनी आचारसंहितेचा भंग केल्याची तक्रार नोंदवून घेतली आहे.
Post Bottom Ad
