मुंबई - मध्य रेल्वेच्या मुख्य आणि हार्बर मार्गांवर रविवारी (ता. 13) मेगाब्लॉक घेण्यात येईल. मेन लाईन वर सकाळी 11.15 ते दुपारी 3.15. दरम्यान मुलुंड ते माटुंगा स्थानकांदरम्यान छत्रपती शिवाजी टर्मिनसकडे जाणाऱ्या धीम्या मार्गावरील लोकल जलद मार्गावरून धावतील. त्या मुलुंड, भांडुप, विक्रोळी, घाटकोपर, कुर्ला आणि शीव स्थानकांवर थांबतील; मात्र नाहूर, कांजूरमार्ग आणि विद्याविहार स्थानकांवर थांबणार नाहीत. माटुंगा स्थानकानंतर त्या पुन्हा धीम्या मार्गावर चालवण्यात येतील. हार्बर लाईनवर सकाळी 10 ते दुपारी 4. या वेळात ब्लॉक घेण्यात येईल. या वेळेत सीएसटी ते पनवेल-वाशी-बेलापूर मार्गावरील लोकल बंद राहतील. सीएसटी-कुर्ला आणि मानखुर्द-पनवेल स्थानकांदरम्यान विशेष लोकल चालवण्यात येतील. हार्बर मार्गावरील प्रवाशांना ट्रान्सहार्बर आणि मेन लाईनवरून प्रवास करण्याची मुभा देण्यात आली आहे.
Post Top Ad
Post Bottom Ad
