३१ डिसेंबरची पार्टी विनापरवाना घरी करणे यावर्षी महागात पडणार

मुंबई / जेपीएन न्यूज ( वेब न्यूज ) - 30 Dec 2015   

नववर्षाच्या स्वागतासाठी तरुणाईबरोबरच अन्य लोकांनी पार्टीची तयारी सुरू केली आहे. परंतु आता घरच्या घरी पार्टी करणे यावर्षी महागात पडणार आहे. घरच्या घरी किंवा टेरेसवर विनापरवाना पार्टी करणाऱ्यांना तुरुंगाची हवा खावी लागेल.


हॉटेलमधील होणारी गर्दी आणि इतर कारणांमुळे अलिकडे घरामध्येच किंवा इमारतीच्या टेरेसवर पार्टीचे आयोजन करण्याकडे नागरिकांचा कल वाढला आहे. पण याठिकाणी अबकारी विभागाची परवानगी घ्यावी लागणार आहे. जर तुम्ही विना परवागी पार्टी कराल तर तुम्हाला शिक्षा होऊ शकते. अबकारी विभागातल्या अधिकाऱ्यांनी दिलेल्या माहितीनुसार यंदा टेरेसवरच्या पार्टीवर विशेष लक्ष ठेवले जाणार आहे. प्रतिबंधक कायद्यातील तरतूदीनुसार अशा पार्टीसाठी परवानगी घ्यावी लागते. त्यामुळे थर्टी फर्स्टच्या पार्टीसाठी एक्साईज खात्याकडून पार्टीसाठी परवानगी घ्या अन्यथा नवीन वर्षाचा पहिला दिवस तुरुंगात काढावा लागेल.