मुंबई - पाच वर्षापर्यंतच्या बालकांच्या मृत्यूचे, अतिसार हे प्रमुख कारण असून अंदाजे दहा टक्के बालकेअतिसारामुळे दगावतात. पावसाळ्यामध्ये अतिसाराचे प्रमाण जास्त असते. राज्य शासनाच्या आदेशानुसारअतिसारामुळे होणारे बालमृत्यू शुन्य करणे हे उद्दिष्ट समोर ठेऊन बृहन्मुंबई महानगरपालिकेच्यासार्वजनिक आरोग्य खात्यामार्फत दिनांक ११ जुलै, २०१६ ते २३ जुलै, २०१६ या कालावधीत विशेष अतिसारनियंत्रण पंधरवडा, वैद्यकीय महाविद्यालये, उप-नगरीय रुग्णालये, प्रसुतिगृहे, महापालिका दवाखाने वआरोग्य केंद्रांमध्ये राबविण्यात येणार आहे.
तसेच, या पंधरवडय़ात जनजागृती, अतिसारामध्ये घ्यावयाची काळजी, ओ. आर. एस. व झिंकगोळ्यांचा वापर कसा करावा, हात धुण्याच्या पद्धतीची प्रात्यक्षिके, आरोग्य संस्थांमध्ये ओ. आर. एस. वझिंक कोपरा स्थापन करणे व अतिसार झालेल्या बालकांवर उपचार करणे इत्यादींचा समावेश आहे.
अतिसार नियंत्रण व उपचाराबाबत द्यावयाचे महत्त्वाचे संदेश म्हणजे अतिसार झाल्याबरोबर लगेच ओ.आर. एस. चे द्रावण व इतर द्रव पदार्थ घेणे आणि अतिसार थांबेपर्यंत ते द्रावण घेत राहाणे. अतिसारअसलेल्या बालकांना वैद्यकीय अधिकारी यांच्या सल्ल्याने १४ दिवसांपर्यंत झिंक गोळी देणे. बाळाची विष्टालवकरात लवकर व सुरक्षित प्रकारे नष्ट करणे. स्वयंपाक करण्यापूर्वी, बालकाला जेवण भरवण्यापूर्वी तसेच बालकाची शी स्वच्छ केल्यानंतर आणि बालकाला साफकेल्यानंतर मातेने हात साबणाने धुवून स्वच्छ करणे. अतिसाराबाबतची माहिती, उपचार व सल्लाबाबत जवळच्या आरोग्यकेंद्रास संपर्क साधणे.
यास्तव, सर्व नागरिकांना बृहन्मुंबई महानगरपालिकेतर्फे आवाहन करण्यात येत आहे की, या पंधरवडय़ात म्हणजेचदिनांक ११ जुलै, २०१६ ते २३ जुलै, २०१६ दरम्यान पुरविण्यात येणाऱया या सेवेचा लाभ घेऊन सदर मोहीम यशस्वीपणेराबविण्यास पालिका प्रशासनास सहकार्य करावे.
No comments:
Post a Comment