मुंबई 25 Aug 2016 : दहीहंडी दरम्यान वाहतूक नियम मोडणाऱ्या गोविंदा पथकातील सदस्यांवर मुंबई वाहतूक पोलिसांकडून कारवाईचा बडगा उचलण्यात आला आहे. बाईकवर ट्रिपल सीट, विना हेल्मेट आणि दारु पिऊन वाहन चालविणाऱ्या 575 गोविदांवर कारवाई करण्यात आली. 575 गोविंदांवर कारवाई करताना काहींना दंड तर काही गोविंदाकडे पैसे नसल्याने लायसन्स जप्त करण्यात आल्याचे सांगण्यात आले.मागील वर्षी 820 बाईकस्वारांना ट्रिपल सीट महागात पडली होती. यंदा त्याचे प्रमाण कमी झालेले दिसते. तर ट्रकवर लटकून प्रवास करणाऱ्या 60 केसेसची नोंदही झाली होती.
गोविंदा पथकांकडून दहीहंडीतील सदस्यांसाठी मोठ्या प्रमाणात बाईक, ट्रक व टेम्पोची सोय केली जाते. अशावेळी वाहतूक नियमांचे सर्रासपणे उल्लंघन गोविंदांकडून केले जाते. त्यामुळे अपघातांचा धोकाही संभवतो. हे पाहता वाहतूक नियमांचे उल्लंघन करणाऱ्या गोविदांवर मुंबई वाहतूक पोलिसांकडून कारवाईचा बडगा उचलण्यात आला. अनेक गोविंदा हे बाईकवर ट्रिपल सीट असतात. अशा बाईकस्वारांवरही कारवाई करण्यात आली असून जवळपास २२२ जण वाहतूक पोलिसांच्या जाळ्यात अडकले आहेत. त्याचप्रमाणे ३५१ विना हेल्मेट बाईकस्वारांवरही कठोर कारवाई करण्यात आल्याची माहिती देण्यात आली. यात सर्वाधिक कारवाई कुर्ला, कुलाबा, बोरीवली, भायखळा, दादर परिसरात झाली आहे.
गोविंदाकडून दारु पिऊन वाहन चालविण्याचे प्रमाण फारच कमी असल्याचे निदर्शनास आले आहे. दारू पिऊन वाहन चालवल्या प्रकरणी वडाळा आणि कांदिवली येथे दोघांवर कारवाई करण्यात आली. ट्रकवर किंवा टेम्पोवर लटकून तसेच त्याच्या टॉपवर बसून प्रवास करणाऱ्या गोविंदावर मागील वर्षी कारवाईचा बडगा उचलण्यात आलेला असतानाच यंदा त्यांना वाहनातून उतरवून नियमांचे पालन करण्याचे आवाहन करण्यात आले. अशा वाहनांच्या क्रमांकांची नोंद वाहतूक पोलिसांनी घेतली. नुकतीच एका वाहतूक पोलिसाला पेट्रोल पंपावर एका बाईकस्वाराकडून मारहाणीची घटना घडली होती. त्यामुळे अशी घटना घडू नये यासाठी ज्या ठिकाणी एकच वाहतूक पोलिस तैनात आहे, अशा पोलिसांना नियमांचे उल्लंघन करणाऱ्या वाहनांच्या नंबरची माहीती घेण्याच्या सूचना करण्यात आल्या होत्या.
गोविंदा पथकांकडून दहीहंडीतील सदस्यांसाठी मोठ्या प्रमाणात बाईक, ट्रक व टेम्पोची सोय केली जाते. अशावेळी वाहतूक नियमांचे सर्रासपणे उल्लंघन गोविंदांकडून केले जाते. त्यामुळे अपघातांचा धोकाही संभवतो. हे पाहता वाहतूक नियमांचे उल्लंघन करणाऱ्या गोविदांवर मुंबई वाहतूक पोलिसांकडून कारवाईचा बडगा उचलण्यात आला. अनेक गोविंदा हे बाईकवर ट्रिपल सीट असतात. अशा बाईकस्वारांवरही कारवाई करण्यात आली असून जवळपास २२२ जण वाहतूक पोलिसांच्या जाळ्यात अडकले आहेत. त्याचप्रमाणे ३५१ विना हेल्मेट बाईकस्वारांवरही कठोर कारवाई करण्यात आल्याची माहिती देण्यात आली. यात सर्वाधिक कारवाई कुर्ला, कुलाबा, बोरीवली, भायखळा, दादर परिसरात झाली आहे.
गोविंदाकडून दारु पिऊन वाहन चालविण्याचे प्रमाण फारच कमी असल्याचे निदर्शनास आले आहे. दारू पिऊन वाहन चालवल्या प्रकरणी वडाळा आणि कांदिवली येथे दोघांवर कारवाई करण्यात आली. ट्रकवर किंवा टेम्पोवर लटकून तसेच त्याच्या टॉपवर बसून प्रवास करणाऱ्या गोविंदावर मागील वर्षी कारवाईचा बडगा उचलण्यात आलेला असतानाच यंदा त्यांना वाहनातून उतरवून नियमांचे पालन करण्याचे आवाहन करण्यात आले. अशा वाहनांच्या क्रमांकांची नोंद वाहतूक पोलिसांनी घेतली. नुकतीच एका वाहतूक पोलिसाला पेट्रोल पंपावर एका बाईकस्वाराकडून मारहाणीची घटना घडली होती. त्यामुळे अशी घटना घडू नये यासाठी ज्या ठिकाणी एकच वाहतूक पोलिस तैनात आहे, अशा पोलिसांना नियमांचे उल्लंघन करणाऱ्या वाहनांच्या नंबरची माहीती घेण्याच्या सूचना करण्यात आल्या होत्या.
No comments:
Post a Comment