मुंबई - प्रीमिअर बॅडमिंटन लीग स्पर्धेतील मुंबई रॉकेट्स संघाच्या जर्सीचे लोकार्पण अजय जयराम, राष्ट्रीय प्रशिक्षक पुल्लेला गोपीचंद आणि बॅडमिंटनपटू एच.एस. प्रणॉय यांच्या उपस्थितीत मुंबई मराठी पत्रकार संघ येथे करण्यात आले.
यावेळी बोलताना भारतात बॅडमिंटनपटू घडवण्यात अकादमींची भूमिका निर्णायक आहे. एका छत्राखाली मार्गदर्शनासह सर्वसमावेशक सोयीसुविधा उपलब्ध होत असल्याने अकादमी प्रारूप बॅडमिंटनपटूंसाठी उपयुक्त ठरले आहे. अनेक युवा बॅडमिंटनपटू अकादमीच्या प्रयत्नांतून आंतरराष्ट्रीय स्तरावर चमकत आहेत. मात्र अकादमीशी संलग्न नाही अशा परिस्थितीत ‘एकला चलो रे’ वाटचाल करणे खडतर आहे’, असे स्पष्ट मत अव्वल बॅडमिंटनपटू अजय जयरामने व्यक्त केले.
यावेळी बोलताना भारतात बॅडमिंटनपटू घडवण्यात अकादमींची भूमिका निर्णायक आहे. एका छत्राखाली मार्गदर्शनासह सर्वसमावेशक सोयीसुविधा उपलब्ध होत असल्याने अकादमी प्रारूप बॅडमिंटनपटूंसाठी उपयुक्त ठरले आहे. अनेक युवा बॅडमिंटनपटू अकादमीच्या प्रयत्नांतून आंतरराष्ट्रीय स्तरावर चमकत आहेत. मात्र अकादमीशी संलग्न नाही अशा परिस्थितीत ‘एकला चलो रे’ वाटचाल करणे खडतर आहे’, असे स्पष्ट मत अव्वल बॅडमिंटनपटू अजय जयरामने व्यक्त केले.
‘मुंबई देशाची आर्थिक राजधानी आहे. बॉलीवूडनगरी आहे. मात्र खेळांसाठी सर्वागीण केंद्र नाही. मुंबईत केवळ बॅडमिंटन नव्हे तर विविध खेळात प्रावीण्य असलेले खेळाडू आहेत. मात्र अकादमी स्वरुपाचे मुंबईत काहीच नाही. मुंबईतले बॅडमिंटनपटू प्रगत प्रशिक्षणासाठी हैदराबाद किंवा बंगळुरूला रवाना होतात. पदके, जेतेपदे हा पुढचा टप्पा आहे. लहान वयात मुलांना चांगल्या दर्जाचे प्रशिक्षण मिळणे आवश्यक असते. मुलांवर अभ्यासात चांगली कामगिरी करण्याचेही दडपण असते. त्यामुळे मुंबईत निवासी स्वरुपाची अकादमी होणे आवश्यक आहे’, असे अजयने सांगितले.
