या मुद्द्यावर आपले म्हणणे मांडताना ते म्हणाले की, शीख बांधव पगडी बांधतात. त्यांनी पगडी बांधू नये, असे कुणीही म्हणत नाही. मग फक्त मुस्लिम धर्मियांनाच त्यांच्या धार्मिक आचरणाबाबत सल्ले दिले जात असतील तर तो धार्मिक हस्तक्षेप असून अशा पद्धतीने कुणीही धर्मात हस्तक्षेप करू नये असे ते म्हणाले. १९४७ ला भारत स्वतंत्र झाल्यापासून देशाच्या रक्षणासाठी या देशांच्या सीमांवर मुस्लिम बांधव देखील आपले बलिदान देत आहेत. त्यामुळे फक्त मुस्लिमांना धर्माच्या आधारावर लक्ष्य करण्यात येऊ नये अशी भावनाही त्यांनी व्यक्त केली.
