उत्कृष्ट निर्यातदार पुरस्कारासाठी अर्ज करण्याचे आवाहन - JPN NEWS

Breaking

Home Top Ad

Post Top Ad

13 January 2017

उत्कृष्ट निर्यातदार पुरस्कारासाठी अर्ज करण्याचे आवाहन

मुंबई, दि. 13 Jan 2017 - निर्यातीच्या कामगिरीनुसार निर्यातदारांना उद्योग संचालनालयाच्या वतीने उत्कृष्ट निर्यातदार 2015-16 चे पुरस्कार देण्यात येणार असून या पुरस्कारासाठी अर्ज करण्याची शेवटची तारीख 31 मार्च 2017 अशी आहे. राज्यातील सूक्ष्म, लघु व मध्यम तसेच मोठे उद्योग, निर्यातदार, मर्चंट हाऊस, महामंडळे व विभागीय कार्यालयांनी या पुरस्कारासाठी अर्ज करण्याचे आवाहन विकास आयुक्त (उद्योग) यांनी केले आहे.

निर्यातीमध्ये चांगली कामगिरी करणाऱ्या विविध उद्योग, संस्था या पुरस्कारासाठी पात्र आहेत. यामध्ये सूक्ष्म व लघु उद्योगांसाठी 14, मोठे उद्योग 11, मर्चंट निर्यातगृह, मान्यताप्राप्त निर्यातगृह, ट्रेड हाऊस या प्रत्येकसाठी एक, लघु उद्योगांसाठी विभागीय पुरस्कार 6, राज्यस्तरीय महामंडळे व सेवा निर्यातदारांसाठी 1 असे पुरस्कार देण्यात येणार आहेत.

या योजनेत सूक्ष्म, लघु व मध्यम आणि मोठ्या उद्योगांनी तसेच मर्चंट हाऊस व एक्सपोर्ट हाऊस यांना सहभागी घेता येईल. सन 2015-16मध्ये निर्यात 2 कोटीपेक्षा अधिक असावे, उपक्रम आवेदन पत्र दाखल केलेले असावे, निर्यातीची सनदी लेखापालामार्फत मागील 3 वर्षाची प्रमाणपत्रे सादर केलेली असावी, अशा अटी व नियम आहेत.

या योजनेची माहिती, अर्जाचा नमुना व पात्रतेच्या अटी या www.maharashtra.gov.in या संकेतस्थळावर तसेच जिल्हा उद्योग केंद्रात व विभागीय कार्यालयातही माहिती उपलब्ध आहे. अधिक माहितीसाठी सचिव (सूक्ष्म,लघु व मध्यम उपक्रम) तथा विकास आयुक्त (उद्योग),उद्योग संचालनालय, 2 रा मजला, नवीन प्रशासन भवन, मादाम कामा मार्ग, हुतात्मा राजगुरू चौक, मंत्रालयासमोर, मुंबई 32 (दूरध्वनी क्रमांक 022-22831902/फॅक्स क्र. 22026826, ई मेल - diexport@maharashtra.gov.in) येथे तसेच सदाशिव सुरवसे, उद्योग सहसंचालक (निर्यात प्रचालन शाखा) यांच्याशी संपर्क साधावा, असे आवाहन करण्यात आले आहे.

Post Bottom Ad