शालेय मुलांना प्रोत्साहित करण्यासाठी कबड्डीत पॉवरप्लेची संकल्पना राबवण्यासाठी संयोजक प्रयत्नशील आहेत. तद्नुसार, अंतिम फेरीच्या सामन्यात सहाव्या मिनिटापासून आणि एकविसाव्या मिनिटापासून दोन्ही डावांमध्ये प्रत्येकी पाच मिनिटे पॉवरप्लेचा प्रयोग केला जाणार आहे. त्यामध्ये क्षेत्ररक्षणात किमान तीन बचावपटू असताना गुण घेणार्या चढाईपटूस अथवा एकटा असताना देखील पकड करणार्या बचावपटूस झटापटीमधील यशस्वितेसाठी प्रत्येकी रोख रुपये शंभर याप्रमाणो पुरस्कार दिला जाणार आहे.
नव्या स्वरूपातील हिंद करंडक कबड्डी स्पर्धेत महात्मा गांधी विद्यामंदिर, शारदाश्रम विद्यामंदिर, साने गुरुजी हायस्कूल, नाईक विद्यालय-कोपरखैरणो, डॉ. शिरोडकर हायस्कूल, उत्कर्ष विद्यामंदिर, जनता हायस्कूल, अरुणोदय स्कूल-ठाणो, सोशल सर्व्हिस लीग, डॉ. अँटोनियो डिसिल्व्हा हायस्कूल, शिशू वि कास मंदिर - ठाणो, शिरवणो विद्यालय - नेरूळ आदी शालेय मुला-मुलींचे ५५ कबड्डी संघ सहभागी झाले आहेत. लंगडी स्पर्धेत शालेय ३६ संघांनी तर खो-खो स्पर्धेत शालेय ३३ संघांनी भाग घेतला असून सर्व स्पर्धा दररोज सकाळी ९ ते सायंकाळी ४.३0 या वेळेत होणार आहेत.
या स्पर्धेचे उद््घाटन मुंबई शारीरिक शिक्षण मंडळाचे अध्यक्ष संजय शेटे, आयडियल स्पोर्ट्स अँकॅडमीचे कार्याध्यक्ष गोविंदराव मोहिते, प्राचार्य डॉ. गो. वि. पारगावकर, मुंबईचा नामवंत प्रो कबड्डीपटू रिशांत देवाडिगा, महाकबड्डी लीगमधील रत्नागिरी रेडर्स संघाचे प्रशिक्षक भारत संधाने आदी मंडळींच्या प्रमुख उपस्थितीत १0 जानेवारी रोजी सकाळी ९ वाजता होणार आहे.
