वर्सेावा परिसरातील सरदार वल्लभभाई पटेल नगरजवळ असणा-या सिद्धार्थ नगर परिसरात जिल्हाधिकारी कार्यालयाच्या अखत्यारित असणा-या सागरी नियमन क्षेत्रातील जमिनीवर मोठ्या प्रमाणात अतिक्रमणे होती. ही अतिक्रमणे हटविण्याबाबत संबंधित जिल्हाधिकारी कार्यालयाच्या विनंतीनुसार महापालिकेद्वारे संयुक्त कारवाई करण्यात आली आहे. ही कारवाई करण्यासाठी मुंबई पोलीस दलाचे ३० पोलीस कर्मचारी, महापालिकेचे २२ कामगार – कर्मचारी - अधिकारी आणि जिल्हाधिकारी कार्यालयाचे ७ कर्मचारी / अधिकारी सदर ठिकाणी कर्तव्यावर उपस्थित होते. तसेच या ही कारवाईसाठी ३ जेसीबी, २ लॉरी व २ डंपर देखील वापरण्यात आले, अशीही माहिती सहाय्यक आयुक्त गायकवाड यांनी दिली आहे.
