Breaking Posts

6/trending/recent

Hot Widget

Type Here to Get Search Results !

Subscribe Us

Crime News - देशात दर तीन तासांनी एक खुन, वर्षभरात 28,522 खून


मुंबई - नॅशनल क्राईम रेकॉर्ड ब्युरो (NCRB) ने आपला वार्षिक गुन्हे अहवाल प्रसिद्ध केला आहे. या अहवालानुसार देशात 2022 मध्ये एकूण 28,522 हत्येचे एफआयआर नोंदवले गेले. म्हणजेच देशात दररोज सरासरी 78 हत्या झाल्या. याचाच अर्थ देशात दर तीन तासांनी एका खुनाची घटना घडते. दिल्लीने राष्ट्रीय सरासरीला मागे टाकत १४४.४ च्या गुन्हेगारी दरासह चिंताजनक आघाडी घेतली आहे. त्यापाठोपाठ उत्तर प्रदेश, महाराष्ट्र, राजस्थान, पश्चिम बंगाल आणि मध्य प्रदेशात सर्वाधिक प्रकरणे नोंदवण्यात आली आहेत.

२०२२ मध्ये महिलांविरुद्धच्या गुन्ह्यांची तब्बल ४ लाख ४५ हजार २५६ प्रकरणे या आकडेवारीने उघड केली आहेत, ज्यात प्रत्येक तासाला अंदाजे ५१ एफआयआर आहेत. दरवर्षी यात लक्षणीय वाढ झाल्याचे निदर्शनास येत आहे. आकडेवारीनुसार, २०२१ मध्ये ४,२८,२७८ प्रकरणे नोंदली गेली तर २०२० मध्ये ३,७१,५०३ प्रकरणे नोंदवली गेली. धक्कादायक म्हणजे, महिलांवरील बहुतेक गुन्ह्यांचे पती किंवा त्याच्या नातेवाईकांकडून (३१.४%) गुन्हे घडले आहेत. तर अपहरण (१९.२%), विनयभंग करण्याच्या हेतूने हल्ला (१८.७%) आणि बलात्कार (७.१%) असे वर्गीकरण करण्यात आले आहे.

केंद्रशासित प्रदेशांमध्ये, 2022 मध्ये राष्ट्रीय राजधानी दिल्लीत हत्येच्या 509 घटनांची नोंद झाली. पुद्दुचेरीमध्ये 30, चंदीगडमध्ये 18, दादरा आणि नगर हवेली आणि दमन आणि दीवमध्ये 16, अंदमान आणि निकोबार बेटे 7, लडाखमध्ये 5 आणि लक्षद्वीपमध्ये शून्य प्रकरणे नोंदवली गेली. उत्तर प्रदेशमध्ये सर्वाधिक 3,491 हत्येचे एफआयआर दाखल करण्यात आले, त्यानंतर बिहार (2,930), महाराष्ट्र (2,295), मध्य प्रदेश (1,978) आणि राजस्थान (1,834) राज्ये आहेत. या प्रमुख पाच राज्यांमध्ये 43.92 टक्के खुनाच्या घटनांची नोंद झाली आहे. अहवालानुसार, 2022 मध्ये सर्वात कमी खून प्रकरणे असलेली शीर्ष पाच राज्ये सिक्कीम (9), नागालँड (21), मिझोराम (31), गोवा (44) आणि मणिपूर (47) आहेत.

नॅशनल क्राईम रेकॉर्ड ब्युरो (NCRB) च्या वार्षिक गुन्हे अहवालातील आकडेवारीनुसार, देशात 2022 मध्ये एकूण 28,522 हत्येचे एफआयआर नोंदवले गेले. म्हणजेच देशात दररोज सरासरी 78 हत्या झाल्या. याचाच अर्थ देशात दर तीन तासांनी एका खुनाची घटना घडते. यापूर्वी 2021 मध्ये 29,272 आणि 2020 मध्ये 29,193 खुनाचे गुन्हे दाखल झाले होते. 2022 मधील हत्येचे आकडे गेल्या दोन वर्षांच्या तुलनेत कमी आहेत. अहवालानुसार, 2022 मध्ये सर्वाधिक 9,962 खून प्रकरणांमध्ये ‘वाद’ हे कारण होते. यानंतर 3,761 प्रकरणांमध्ये ‘वैयक्तिक सूड किंवा शत्रुता’ आणि 1,884 प्रकरणांमध्ये स्वतःच्या फायद्यासाठी हत्या करण्यात आल्या.

खून झालेल्यांपैकी 95.4 टक्के प्रौढ होते. एकूण खून झालेल्यांपैकी 8,125 महिला आणि नऊ ट्रान्सजेंडर होते. यामध्ये सुमारे 70 टक्के बळी पुरुष होते. दुसरीकडे, 2022 मध्ये राजस्थानमध्ये 5399 बलात्काराच्या घटना घडल्या आहेत. जे देशात इतर राज्यांच्या तुलनेत सर्वाधिक आहे. यापूर्वी 2020 आणि 2021 मध्ये राजस्थानमध्ये अनुक्रमे 5310 आणि 6337 बलात्काराच्या घटना घडल्या होत्या. बलात्काराच्या घटनांवर कारवाई करण्यातही राजस्थान खूप मागे आहे.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad


Ads Bottom