मुंबईत मतदानादरम्यान दोन जणांचा मृत्यू

मुंबई - लोकसभा निवडणुकीसाठी राज्यात पाच टप्प्यात मतदान होत आहे. २० मे रोजी पाचव्या टप्प्यासाठी राज्यातील १३ मतदारसंघात मतदान झाले. पाचव्या टप्प्यात मुंबईमध्ये मतदान सुरु असताना दोन जणांचा मृत्यू झाला आहे. त्यात एक पोलिंग एजंट तर दुसरा निवडणूक अधिकारी आहे.(Mumbai Latest News) (Mumbai Marathi News)

शिवसेना ठाकरे गटाचे पोलिंग एजंट मनोहर नलगे (वय ६२) यांचा निवडणूक कर्तव्यावर असताना मृत्यू झालाय. वरळीच्या डेलीसले रोडवरील मतदान केंद्रातील टॉयलेटमध्ये ही घटना घडली. आजारी पडल्यानंतर त्यांना हॉस्पिटलमध्ये दाखल करण्यात आले होते. त्यानंतर डॉक्टरांनी त्यांना मृत घोषित केलं.

दुसऱ्या घटनेमध्ये निवडणूक अधिकाऱ्याचा हृदय विकाराच्या झटक्याने मृत्यू झालाय. रिपोर्टनुसार, सुनिल लक्ष्मन (वय ५२) यांना परेळमधील भोईवाडातील सेंट पॉल हाय स्कूलमध्ये ड्युटी लावण्यात आली होती. त्यावेळी त्यांना झटका आला. त्यानंतर त्यांना केईएम हॉस्पिटलमध्ये हलवण्यात आले. पण, डॉक्टरांनी त्यांना मृत घोषित केलं.