बौद्धांच्या सुरक्षिततेबाबत प्रकाश आंबेडकरांनी व्यक्त केली चिंता

मुंबई - मोहम्मद युनूस यांच्या नेतृत्वाखालील बांगलादेशच्या अंतरिम सरकारला बांगलादेशातील बौद्ध आणि विविध स्वदेशी गटांसह सर्व धार्मिक अल्पसंख्याकांच्या सुरक्षिततेबाबत चिंता असून, त्यांना सुरक्षिततेची खात्री त्यांनी द्यावी असे आवाहन वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी ट्विटच्या माध्यमातून केले आहे.

ॲड. आंबेडकर यांनी ट्विटमध्ये म्हटले आहे की, गेल्या आठवड्यापासून बांगलादेशात बौद्धांवर हल्ले होत असल्याच्या बातम्या येत आहेत. भारतीय उपखंड हा त्याच्या सांस्कृतिक विविधतेने आकाराला आला आहे. या प्रदेशातील शांतता आणि सहअस्तित्वासाठी आणि सांस्कृतिक विविधता साजरी करण्यासाठी धार्मिक सलोखा अत्यंत आवश्यक असल्याचे मतही त्यांनी व्यक्त केले.