मुंबई - अँटॉप हिल परिसरात आज दुपारी भीषण दुर्घटना घडली. भारतीय कमला नगर, राम जानकी नगरजवळील कोळसा गल्ली क्र. १ येथे असलेल्या दोन मजली घराच्या पहिल्या मजल्याचा भाग कोसळला. या दुर्घटनेत एक जण गंभीर जखमी झाला असून त्याला तातडीने सायन रुग्णालयात दाखल करण्यात आले आहे.
घटनेची वेळ व माहिती -
ही घटना दुपारी सुमारे २.१५ वाजता घडली असून मुंबई अग्निशमन दलाने (MFB) ही दुर्घटना नोंदवली. त्यानंतर पोलीस आणि बीएमसीच्या वॉर्ड कर्मचाऱ्यांनाही घटनास्थळी पाचारण करण्यात आले.
जखमी व्यक्तीची माहिती -
सायन रुग्णालयातील वैद्यकीय अधिकाऱ्यांकडून मिळालेल्या माहितीनुसार, मोहम्मद हुसैन शेख (३५) हे या दुर्घटनेत जखमी झाले असून त्यांची प्रकृती गंभीर आहे. दुपारी २.५९ वाजता त्यांच्याबाबतची पहिली अधिकृत नोंद करण्यात आली. बीएमसीचे अग्निशमन दल, पोलीस आणि वॉर्ड कर्मचारी यांनी घटनास्थळी तत्काळ धाव घेत बचावकार्य सुरू केले.
No comments:
Post a Comment