लंडन : सतत नवे तंत्रज्ञानाची भर घेऊन बाजारात दाखल होत असलेल्या मोबाइल फोनसाठी शास्त्रज्ञांनी आता एक नवे जनरेशन नेक्स्ट सॉफ्टवेअर विकसित केले आहे. या सॉफ्टवेअरच्या मदतीने तुमचा मोबाइल हाताने नव्हे तर केवळ नजरेच्या इशार्याने नियंत्रित केला जाऊ शकेल. द आय ट्रॅप असे नाव देण्यात आलेल्या या सॉफ्टवेअरचा निर्माता सन अल्सट्रप जॉन्सन सांगतो की, या तंत्रज्ञानामुळे आपण मोबाइलवरील मूलभूत क्रिया केवळ आपली डोळे फिरवूनच करू शकतो. म्हणजे एखादे ई-बुकचे पेज पालटण्यासाठी आणि डोळ्यांच्या इशार्याने गेमही खेळू शकतो. डॅनिश कंपनीने या सॉफ्टवेअरमध्ये इन्फ्रारेड लाइटचा वापर केला आहे. हा प्रकाश डोळ्यांच्या बुबुळावर आदळून संचलित होते. त्यातून उपकरणाचा कॅमेरा रेकॉर्ड केला जातो. त्यानंतर डोळ्यांच्या इशार्याने पेज पालटण्यापासून कॅमेरा क्लिक करण्यापर्यंतच्या क्रिया केल्या जाऊ शकतात. मोबाइलच्या स्क्रिनच्या ज्या भागात आपण एकटक पाहून बुबुळ फिरवू त्या बाजूचे पेज पालटले जाईल. तब्बल आठ लाख डॉलर खर्ची घालून हे अफलातून तंत्रज्ञान विकसित करण्यात आले आहे.
Subscribe to:
Post Comments (Atom)
Post Bottom Ad
No comments:
Post a Comment