रेल्वेचे तिकीट दरांसाठी स्वतंत्र प्राधिकरण

मुंबई : देशाच्या प्रमुख शहरांना जोडणारी रेल्वे आणि त्यातून प्रवास करणार्‍या करोडो प्रवाशांच्या सोयीसाठी रेल्वेचे तिकीट दर ठरवण्यासाठी येत्या काळात संपूर्ण देशासाठी रेल्वे तिकीट दर प्राधिकरणाची स्थापना करण्यात येणार आहे. रेल्वेचे तिकीट प्रत्येक राज्यानुसार बदलते. रेल्वेचा जमा-खर्च, खात्यावर पडणारा आर्थिक बोजा यांचा जमा-खर्च मांडून रेल्वे प्रवासी भाडे आणि मालभाडे वाढवण्यासाठी हे प्राधिकरण काम करणार आहे. त्यामुळे रेल्वेच्या तिकीट दरात ठिकठिकाणी असलेली अनिश्चिता दूर होणार आहे. तसेच डिझेलच्या दरामध्ये वाढ झाली की त्याचा रेल्वेवर कसा आणि कितपत बोजा पडू शकतो याचाही अभ्यास हे प्राधिकरण करणार आहे. तसेच या प्राधिकरणामुळे रेल्वेच्या भाडय़ासंदर्भात असलेली अनिश्चितता दूर होणार आहे.