राजकीय पक्षांसाठी २४९० कोटींच्या करावर पाणी

गेल्या पाच वर्षांत देशातील १० प्रमुख राजकीय पक्षांच्या उत्पन्नावर दिलेल्या करसवलतीमुळे इ्कमटॅक्स विभागाला तब्बल २ हजार ४९० कोटी रुपयांच्या करावर पाणी सोडावे लागले आहे ! यामध्ये सर्वाधिक , ८० टक्के कर सत्ताधारी काँग्रेस आणि विरोधी पक्ष भाजप यांच्यामुळे बुडला आहे . माहितीच्या अधिकाराखाली ( आरटीआय ) केलेल्या अर्जात ही माहिती मिळाली आहे . 

हिसार येथील आरटीआय कार्यकर्ते रमेश वर्मा यांनी इन्कम टॅक्स विभागाकडे यासंदर्भात माहितीमागवणारा अर्ज केला होता. इन्कम टॅक्स कायद्यानुसार , राजकीय पक्षांचे उत्पन्न कलम १३ अ नुसार करमुक्त असते. परंतु ,या पक्षांना डोनेशन आणि २० हजार रुपयांखालील उत्पन्न याच्या नोंदी ठेवाव्या लागतात . 'आरटीआय ' अंतर्गत दिल्या गेलेल्या माहितीत राजकीय पक्षांचे उत्पन्न गृहित धरताना डोनेशनआणि २० हजार रुपयांखालील रक्कम विचारात घेतलेली नाही .

 
२००७ - ०८ ते २०११ - १२ या कालावधीतील विविध पक्षांचे करमुक्त उत्पन्न 
पक्ष     करमुक्त उत्पन्न ( कोटी रु .) 
काँग्रेस   १३८५ . ३६ 
भाजप    ६८२ 
राष्ट्रवादी   १४१ . ३४ . 
जेडीयू     १५ . ५१ 
बसप     १४७ . १८ ( ३ वर्षांतील ) 
सीपीआय - एम ८५ . ६१ ( ४ वर्षांतील ) 
सीपीआय   २८ . ४७ ( २ वर्षांतील ) 
जेडी ( एस ) ७ . १६ ( २ वर्षांतील ) 
एलजीपी     २ . ५५ ( ४ वर्षांतील ) 
आरजेडी     २ . ८५ ( ३ वर्षांतील )