'आधार' नसले तरीही लाभ मिळणार

आधार कार्ड नसले तरीही राज्यातील कोणीही व्यक्ती अनुदान वा स्कॉलरशिपसारख्या लाभापासून वंचित राहणार नाही , असे आश्वासन मुख्यमंत्री पृथ्वीराज चव्हाण यांनी सोमवारी विधान परिषदेत दिले. 

मुंबईतील २० हजार विद्यार्थी आधार कार्ड नसल्याने स्कॉलरशिपपासून वंचित राहणार या ' महाराष्ट्र टाइम्स' मधील वृत्ताची दखल घेऊन संजय दत्त यांनी औचित्याचा मुद्दा उपस्थित केला. राज्यात २ लाख २९ हजार विद्यार्थी स्कॉलरशिपकरिता पात्र आहेत. त्यापैकी ५८ हजार ६१७ विद्यार्थ्यांनी ' आधार ' करिता नोंदणी केली आहे. १ लाख ७० हजार ८२७ विद्यार्थ्यांनी ती करणे बाकी आहे. त्यापैकी २० हजार विद्यार्थी मुंबईतील आहेत , असे दत्त म्हणाले. त्यावर , उपसभापती वसंत डावखरे यांनी मुख्यमंत्र्यांच्या आश्वासनाची अंमलबजावणी करण्याचे निर्देश दिले.