काळजीवाहू तत्त्वावर खाजगी संस्थांना देण्यात आलेल्या भूखंडांची माहिती द्यावी

विरोधी पक्षनेत्यांचे पालिका आयुक्तांना पत्रमुंबई : मुंबई महानगरपालिकेकडून खेळाची मैदाने आणि मनोरंजन उद्याने काही संस्थांना काळजीवाहू तत्त्वावर सांभाळण्यात दिली आहेत. या संस्थांना देण्यात आलेल्या भूखंडाबाबत आपणास लिखित स्वरूपात माहिती उपलब्ध करून घ्यावी, अशी विनंती विरोधी पक्षनेते ज्ञानराज निकम यांनी पालिका आयुक्त सीताराम कुंटे यांच्याकडे पत्राद्वारे केली आहे. मुंबईत एकूण ३३७ मनोरंजन मैदाने, २२८ खेळाची मैदाने आणि २४२ उद्याने आहेत. यापैकी काही भूकंड पालिकेने काळजीवाहू तत्त्वावर मातोश्री क्लब, प्रबोधन, दहिसर स्पोर्ट फाऊंडेशन, गोरेगाव येथील आडे भास्कर, कमळ विहार क्लब व यांचसह जिमखाना इत्यादींसह अन्य खाजगी संस्थांना देण्यात आलेल्या भूखंडाबाबत माहिती देण्याची विनंती आयुक्तांकडे केली आहे. तसेच ज्या संस्थांना भूखंड दिले आहेत ते किती वर्षाच्या कालावधी का दिले आहेत व कालावधी कधी संपुष्टात येणार आहे, असे सवाल निकम यांनी केले असून ही माहितीही त्यांनी आयुक्तांकडे मागितली आहे.