मरेचा मेगाब्लॉक

मुंबई : उपनगरीय रेल्वे मार्गावरील ओव्हरहेड वायर, सिग्नल यंत्रणा, रेल्वे रुळांची दुरुस्ती आणि देखभालीसाठी मध्य रेल्वे मार्गावरील मेन लाइन आणि हार्बर मार्गावर रविवार, २५ ऑगस्ट रोजी मेगाब्लॉक घेण्यात येणार आहे. मेन लाइनवर माटुंगा ते मुलुंड स्थानकांदरम्यान डाऊन धिम्या मार्गावर, तर हार्बर मार्गावर कुर्ला ते सीएसटी स्थानकांदरम्यान अप मार्गावर आणि वडाळ रोड ते माहिम स्थानकांदरम्यान अप आणि डाऊन दोन्ही मार्गांवर दुरुस्तीची कामे करण्यात येणार आहेत.

मेन लाइनवर माटुंगा ते मुलुंडदरम्यान डाऊन धिम्या मार्गावर सकाळी ११.३0 ते दुपारी ३.३0 वाजेपर्यंत दुरुस्तीची कामे करण्यात येणार आहेत. ब्लॉकदरम्यान माटुंगा ते मुलुंडदरम्यानची डाऊन धिम्या मार्गावरील वाहतूक डाऊन जलद मार्गावरून चालवण्यात येणार आहे. त्यामुळे सीएसटीला येणार्‍या आणि जाणार्‍या सर्व लोकल सकाळी ११ ते दुपारी ४ या वेळेत आपल्या निर्धारित वेळेपेक्षा १५ मिनिटे उशिराने धावणार आहे. हार्बर मार्गावर कुर्ला ते सीएसर्टी स्थानकांदरम्यान अप मार्गावर सकाळी ११.0८ ते ३.२0 वाजेपर्यंत दुरुस्तीची कामे करण्यात येणार आहे. ब्लॉकदरम्यान सीएसटीसाठी जाणार्‍या सर्व लोकल कुर्ला स्थानकानंतर मेन लाइनने चालविण्यात येणार आहेत. दरम्यान, या लोकल गाड्या करी रोड आणि चिंचपोकळी या स्थानकांवर थांबणार नाहीत. तसेच सीएसटी ते वांद्रे-अंधेरीदरम्यानची अप आणि डाऊन दोन्ही मार्गांवरील सकाळी १0.४0 ते दुपारी ४.0४ वाजेपर्यंत दुरुस्तीची कामे करण्यात येणार आहेत. त्यामुळे या मार्गावरील वाहतूक पूर्णपणे बंद राहणार आहे. वांद्रे-अंधेरी मार्गावरील प्रवासी सकाळी १0 ते संध्याकाळी ६ या वेळेत मेन लाईन आणि पश्‍चिम रेल्वे मार्गावरून प्रवास करू शकतात. तसेच ब्लॉक काळामध्ये गाड्यांना प्रचंड गर्दी होते, अशा वेळी प्रवाशांनी जास्त गर्दी झालेल्या लोकलमधून प्रवास करू नये, असे आवाहन मध्य रेल्वे प्रशासनाने केले आहे.