‘प्रजा’च्या प्रगतीपुस्तकाचे प्रकाशन / सर्व पक्षीय बडे नगरसेवक नापास

प्रजा फाऊंडेशनने नगरसेवकांच्या एक वर्षाच्या कामकाजाचे मुल्यमापन करणारा अहवाल मंगळवारी  प्रसिद्ध केला . या अहवालात पलिकेतील सर्वपक्षीय बडे नगरसवक नापास ठरले असून , प्रथमच निवडूनआलेले नगरसेवक भरघोस गुणांनी उत्तीर्ण झाले आहेत . 

या अहवालात शिवसेनेच्या वरळीतील नगरसेविका हेमांगीवरळीकर यांना ' प्रजा ' ने प्रथम क्रमांक बहालकेला आहे . पहिल्या दहा नगरसेवकांमध्ये भाजपच्या मनिषा चौधरी ,  सभागृह नेते शैलेश फणसे ,शिवसेनेच्या तृष्णा विश्वासराव , यामिनी जाधव , वर्षा टेंबवलकर ,  नौशिर मेहता , डॉ . अनुराधापेडणेकर , समाजवादी पक्षाचे याकुब मेमन आणि काँग्रेसच्या अजंता यादव यांचा समावेश आहे .यातील सर्वाधिक सात नगरसेवक शिवसेनेचे आहेत . 

राजकीय पक्षांचे पालिकेतील गटनेते ' प्रजा ' च्या क्रमवारीत पिछाडीवर आहेत . विरोधी पक्षनेतेज्ञानराज निकम यांना ५३ , मनसेचे दिलीप लांडे ४० , राष्ट्रवादीचे धनंजय पिसाळ ३१ भाजपचे दिलीप पटेल १८ तर समाजवादी पक्षाचे रईस शेख हे १५२ व्या क्रमांकावर आहेत .  सुधार समितीचे अध्यक्ष डॉ . राम बारोट ३८ व्या , शिक्षण समितीचे अध्यक्ष मनोज कोटक ५६ , उपमहापौर मोहन मिठबांवकर ५० क्रमांकावर ढकलण्यात आले आहे .  विशेष म्हणजे हे सर्व गटनेते सभागृह आणि स्थायी समितीच्या बैठकांमध्ये चर्चांमध्ये आघाडीवर असतात . त्यांनाच प्रजाने नापास केले आहे . 

प्रजाने माहितीच्या अधिकाराखाली तसेच २४ हजार ५९४ नागरिकांच्या मतांवर  आधारीत हे सर्वेक्षण केले . नगरसेवकांचे शिक्षण , गुन्हेगारी पार्श्वभूमी , पालिकेत विचारलेले प्रश्न या आधारे हा अहवाल तयार करण्यात आल्याची माहिती संस्थेचे अध्यक्ष नीताई मेहता यांनी दिली . पालिकेचे सभागृह ,समित्यांमध्ये जनतेच्या प्रश्नांवर आवाज उठवून प्रशासनाला जाब विचारण्याचा अधिकार नगरसेवकांना आहे . मात्र , असंख्य नगरसेवक  अधिकाराचा वापर करत नसल्याचा ठपका प्रजाने ठेवला आहे . वर्षभरात एका नगरसेवकाने ५०हून अधिक प्रश्न विचारले तर १३ नगरसेवकांनी सभागृहात एकदाही तोंड उघडलेले नाही ,  असे अहवालात म्हटले आहे . ३१ डिसेंबर २०१२पर्यंत ३५ नगरसेवकांवर विविध गुन्ह्यांची  आराेपपत्रे पोलिसस्टेशन मध्ये दाखल झाली आहेत . नगरसेवक म्हणून एक वर्ष पूर्ण होण्याआधीच १८ जणांवर एफआयआर दाखल झाला आहे .