मुंबई/जेपीएन न्यूज: सफाई कामगार आयोगाच्या सचिव डॉ. लता महंतो यांनी बुधवारी मुंबई महापालिकेच्या प्रशासकीय अधिकाऱ्यांची भेट घेतली. सफाई कामगारांचे प्रश्न तातडीने मार्गी लावा, असे आदेश त्यांनी प्रशासनाला दिले. सफाई कामगारांच्या मृत्यूस जबाबदार असलेल्यांवर गुन्हे दाखल करा, असेही त्यांनी सांगितले. सफाई कामगारांच्या मालकी हक्काच्या घरांच्या प्रश्नाबाबत कार्यवाही का होत नाही, असा सवाल डॉ. महंतो यांनी केला. त्यावर या प्रश्नाबाबत राज्य सरकारबरोबर वाटाघाटी करून कार्यवाही करू, असे उत्तर प्रशासनाने दिले. सफाई कामगारांना सुविधा आणि सफाई करताना पुरेशी साधने द्या, अशा सूचनाही त्यांनी दिल्या. सफाई कामगार विकास संघाचे अध्यक्ष सुनील चौहान यांनी कामगारांच्या वतीने डॉ. महंतो यांना निवेदन दिले.
Post Top Ad
Post Bottom Ad
