इथिओपियाच्या धावपटूंनी बरोब्बर अडीच तासांत केनियाचा 'निक्काल' लावत प्रतिष्ठेच्या मुंबई मॅरेथॉनवर आपला झेंडा फडकवला. पूर्ण मॅरेथॉनच्या पुरुष गटातलं ब्राँझ पदक वगळता, उरलेल्या पाचही पदकांवर इथिओपियाच्या पुरुष आणि महिला धावपटूंनी आपलं नाव कोरलं आहे.
स्टँडर्ड चार्टर्ड मुंबई मॅरेथॉन स्पर्धेत पुरुषांच्या गटात इथिओपियाचा तेजफाए अबेरा अव्वल ठरला. २ तास ९ मिनिटं ४६ सेकंदात जवळपास ४२ किलोमीटरचं अंतर पार करून त्यानं जेतेपद पटकावलं, तर पुढच्या काही सेकंदातच देरेज देबेलेनं (२.१०.३१) 'फिनिशिंग लाइन' ओलांडून दुसरा क्रमांक पटकावला. केनियाच्या ल्युक किबेटला (२.१०.५७) तिसऱ्या स्थानावर समाधान मानावं लागलं.
पूर्ण मॅरेथॉनच्या महिला गटात दिनकेश मेकाश हिनं सलग दुसऱ्या वर्षी सुवर्णपदक जिंकण्याचा पराक्रम करून ४१ हजार डॉलर्सचं घसघशीत बक्षीस खिशात टाकलं. तिनं २ तास ३० मिनिटांत शर्यत पूर्ण केली. दुसऱ्या क्रमांकावर राहिलेल्या कुमेशी सिचालाला तिच्यापेक्षा फक्त ५६ सेकंद जास्त लागली, तर मार्टा मेगारा २.३१.४५ अशी वेळ नोंदवून तिसऱ्या स्थानावर राहिली.
वास्तविक, गेल्या वर्षीच्या मुंबई मॅरेथॉनमध्ये पुरुष गटात केनियाच्या धावपटूंनी वर्चस्व गाजवलं होतं. यंदाही ते आपला दबदबा कायम राखतील, असा अंदाज होता. परंतु, इथिओपियाच्या धावपटूंनी त्यांना जबरदस्त धक्का दिला आहे. महिला गटात इथिओपिया बाजी मारेल, हे अपेक्षित होतंच. तरीही, तीनही पदकं त्यांनाच मिळणं, ही केनियन महिला धावपटूंसाठी धोक्याचीच घंटा मानली जातेय.
पूर्ण मॅरेथॉन स्पर्धेत भारतीय धावपटूंच्या महिला गटात गतविजेती ललिता बाबर हिला दुसऱ्या क्रमांकावर समाधान मानावं लागलं. या स्पर्धेत प्रथमच सहभागी झालेल्या जैशा ओ. पी. हिनं ललिताला मागे टाकत अव्वल नंबर पटकावला, तर सुधा सिंग तिसऱ्या क्रमांकावर राहिली. या तिघीही बीजिंगला होणाऱ्या वर्ल्ड चॅम्पियनशिपसाठी पात्र ठरल्या आहेत.
पुरुषांच्या गटात राम सिंह यादवची कामगिरी अपेक्षेपेक्षा अगदीच निराशाजनक झाली. जेतेपदाचा दावेदार मानला जाणारा राम सिंह पहिल्या तीन क्रमांकातही स्थान मिळवू शकला नाही. भारतीय धावपटूंमध्ये करण सिंहनं सगळ्यात आधी शर्यत पूर्ण करून सुवर्णपदक पटकावलं. अर्जुन प्रधाननं रौप्य, तर बहादुरसिंह धोनीला कांस्यपदकावर नाव कोरलं.
स्टँडर्ड चार्टर्ड मुंबई मॅरेथॉन स्पर्धेत पुरुषांच्या गटात इथिओपियाचा तेजफाए अबेरा अव्वल ठरला. २ तास ९ मिनिटं ४६ सेकंदात जवळपास ४२ किलोमीटरचं अंतर पार करून त्यानं जेतेपद पटकावलं, तर पुढच्या काही सेकंदातच देरेज देबेलेनं (२.१०.३१) 'फिनिशिंग लाइन' ओलांडून दुसरा क्रमांक पटकावला. केनियाच्या ल्युक किबेटला (२.१०.५७) तिसऱ्या स्थानावर समाधान मानावं लागलं.
पूर्ण मॅरेथॉनच्या महिला गटात दिनकेश मेकाश हिनं सलग दुसऱ्या वर्षी सुवर्णपदक जिंकण्याचा पराक्रम करून ४१ हजार डॉलर्सचं घसघशीत बक्षीस खिशात टाकलं. तिनं २ तास ३० मिनिटांत शर्यत पूर्ण केली. दुसऱ्या क्रमांकावर राहिलेल्या कुमेशी सिचालाला तिच्यापेक्षा फक्त ५६ सेकंद जास्त लागली, तर मार्टा मेगारा २.३१.४५ अशी वेळ नोंदवून तिसऱ्या स्थानावर राहिली.
वास्तविक, गेल्या वर्षीच्या मुंबई मॅरेथॉनमध्ये पुरुष गटात केनियाच्या धावपटूंनी वर्चस्व गाजवलं होतं. यंदाही ते आपला दबदबा कायम राखतील, असा अंदाज होता. परंतु, इथिओपियाच्या धावपटूंनी त्यांना जबरदस्त धक्का दिला आहे. महिला गटात इथिओपिया बाजी मारेल, हे अपेक्षित होतंच. तरीही, तीनही पदकं त्यांनाच मिळणं, ही केनियन महिला धावपटूंसाठी धोक्याचीच घंटा मानली जातेय.
पूर्ण मॅरेथॉन स्पर्धेत भारतीय धावपटूंच्या महिला गटात गतविजेती ललिता बाबर हिला दुसऱ्या क्रमांकावर समाधान मानावं लागलं. या स्पर्धेत प्रथमच सहभागी झालेल्या जैशा ओ. पी. हिनं ललिताला मागे टाकत अव्वल नंबर पटकावला, तर सुधा सिंग तिसऱ्या क्रमांकावर राहिली. या तिघीही बीजिंगला होणाऱ्या वर्ल्ड चॅम्पियनशिपसाठी पात्र ठरल्या आहेत.
पुरुषांच्या गटात राम सिंह यादवची कामगिरी अपेक्षेपेक्षा अगदीच निराशाजनक झाली. जेतेपदाचा दावेदार मानला जाणारा राम सिंह पहिल्या तीन क्रमांकातही स्थान मिळवू शकला नाही. भारतीय धावपटूंमध्ये करण सिंहनं सगळ्यात आधी शर्यत पूर्ण करून सुवर्णपदक पटकावलं. अर्जुन प्रधाननं रौप्य, तर बहादुरसिंह धोनीला कांस्यपदकावर नाव कोरलं.
