मुंबई (प्रतिनिधी) : नागपाडा येथील एक इमारतीला लागलेल्या आगीत एका २७ वर्षीय महिलेचा मृत्यू झाला. तर या घटनेत वृद्धेसह २ जण गंभीर जखमी झाले आहे.
नागपाडा येथील उंदारीया स्ट्रीट येथील चौकी मोहल्ला येथे सुलेमान हि चार मजली इमारत असून या इमारतीत अनेक कुटुंब राहत आहेत. आज सायंकाळी पाचच्या सुमारास या इमारतीच्या दुसर्या मजल्यावरिल एका घरास आग लागाली. या आगीची माहिती मिळताच ४ फायर इंजिन, ३ जम्बो टंनकर तसेच अम्बुलन्ससह अग्निशामक दलाच्या जवानांनी तत्काळ घटना स्थळी धाव घेतली. त्यांनी थेतील इमारतीत अडकलेल्या रहिवाशांना बाहेर काढले मात्र आग भीषण असल्याने कामात अडथळा निर्माण होत होता. मात्र जवानांनी दीड तास शर्थीचे प्रयत्न करून आग आटोक्यात आणली. या घटनेत ३ जन जखमी झाले त्यांना उपचारासाठी जेजे रुग्णालयात दाखल केले, परंतु एका तरुणीचा मृत्यू झाला.
