मुंबई / प्रतिनिधी - गोराई मच्छीमार सहकारी संस्थेला बोरीवली जेट्टी ते गोराई जेट्टी दरम्यान खाड़ीवर सेवा पुरविण्यास मंजूरी देण्यात आली आहे. अद्याप या संस्थेकडून पर्यटक प्रवाश्यांसाठी आणि वाहनासठी 5 रुपये तर स्थानिक प्रवाश्यांसाठी 2 रुपये आकारले जात होते. आता पहिल्या 3 वर्षासाठी पर्यटकासाठी आणि वाहनासाठी 10 रुपये, स्थानिक प्रवाश्यांसाठी 4 रुपये आकारले जाणार आहेत. तर त्या पुढील 3 वर्षासाठी पर्यटकासाठी आणि वाहनासाठी 12 रुपये, तर स्थानिक प्रवाश्यांसाठी 5 रुपये दर आकारला जाणार आहे. या दरवाढी मधून स्थानिक विद्यार्थी आणि स्थानिक जेष्ठ नागरिकांना वगळण्यात आले आहे. या दर वाढीला मंजूरी मिळण्याबाबतचा प्रस्ताव पालिकेच्या स्थायी समिती समोर सादर करण्यात आहे. बुधवारी स्थायी समितीची मंजूरी मिळताच हि दरवाढ लागू होणार आहे.
Post Top Ad
Post Bottom Ad
