मुंबई, दि. 9 : समृद्ध लोकशाही आणि त्यासोबतच भविष्यात मोठ्या संख्येने उपलब्ध होणारी तंत्रकुशल तरूणाई यामुळे भारतासोबतच महाराष्ट्रही ‘फॅक्टरी ऑफ ग्लोब’ होण्याच्या दिशेने आगेकूच करीत आहे, असा आत्मविश्वास मुख्यमंत्री देवेंद्र फडणवीस यांनी आज ओसाका(जपान) येथे व्यक्त केला.
जपान दौऱ्याच्या पहिल्या दिवशी ओसाका येथे महाराष्ट्र औद्योगिक विकास महामंडळ (एमआयडीसी) आणि जपानमधील जेट्रो उद्योगसमूह यांच्या वतीने आयोजित महाराष्ट्र राज्य गुंतवणूक प्रोत्साहन चर्चासत्रात(महाराष्ट्र स्टेट इन्व्हेस्टमेंट प्रमोशन सेमिनार) मुख्यमंत्री अध्यक्षीय समारोपात बोलत होते. या चर्चासत्रात राज्याचे उद्योगमंत्री सुभाष देसाई, जेट्रोचे महासंचालक हिरोकी मत्सूमोटो, जेट्रो मुंबईचे महासंचालक टाकेहिको फुरूकावा आदी सहभागी झाले होते. यावेळी एमआयडीसी आणि जेट्रोकडून गुंतवणूकीबाबत सादरीकरण करण्यात आले.
मुख्यमंत्री म्हणाले, राज्य सरकारने जगभरातील उद्योगांसाठी सहर्ष स्वागताची भूमिका घेतली असून या उद्योगांच्या राज्यातील गुंतवणुकीसाठी असलेले प्रशासकीय अडथळे दूर केले आहेत. उद्योग उभारणीसाठी लागणाऱ्या परवानग्यांची संख्या 76 वरून 25 इतकी कमी करण्यात आली असून सर्व प्रक्रिया अतिशय सुलभ व सहज करण्यात आली आहे. स्वयंप्रमाणिकरणाच्या माध्यमातून राज्यात उद्योगसुलभता आणण्यात आली आहे. महाराष्ट्रात गुंतवणूक करण्याची ही सर्वाधिक योग्य वेळ आहे. औद्योगिक क्षेत्रातील जपानच्या यशोगाथेने आम्ही प्रभावित झालो असून त्यापासून प्रेरणा घेऊन आमच्या देशातही औद्योगिक परिवर्तनास सुरूवात केली आहे.
ओसाका येथील कन्साई आर्थिक परिषद आणि ओसाका चेंबर ऑफ कॉमर्स अँड इंडस्ट्रीजच्या प्रतिनिधींसोबत
तत्पूर्वी ‘व्हिजीट महाराष्ट्र बुद्धिस्ट टुरिस्ट सर्किट’ परिसंवादामध्येही मुख्
भारत पुरवठादार साखळी परिषदेचे (इंडिया सप्लाय चेन कॉन्फरन्स) मुख्यमंत्र्यांनी
उद्योगमंत्री सुभाष देसाई यांनी आज कृषी उत्पादन क्षेत्रातील नामांकित कंपनी कुबोटाचे यूईची (केन) किटाओ यांची भेट घेऊन चर्चा केली. तसेच डायकिन एअर कडिंशनिंग इंडियाचे अध्यक्ष आणि मुख्य कार्यकारी अधिकारी तोशिओ नाकानो आणि जुनिची ओमोरी यांनीहीमुख्यमंत्र्यांची भेट घेतली.
